സ്വഭാവനടനിൽ നിന്നും നടനിലേക്കുള്ള ദൂരം?

സംസ്ഥാന ചലച്ചിത്ര അവാർഡും ദേശീയ ചലച്ചിത്ര അവാർഡും ഒരേ ദിവസം വലിയ പ്രത്യേകതകളിൽ ഒന്ന്. പതിവു പോലെ തന്നെ ഇക്കുറിയും വിവാദങ്ങൾക്ക് കുറവാന്നുമുണ്ടായില്ല. ആ നടനെ പരിഗണിച്ചത് ശരിയായില്ല, ഈ നടനെ പരിഗണിച്ചത് മോശമായിപ്പോയി. മറ്റേ നടനെ പരിഗണിച്ചതിന് പിന്നിൽ രാഷ്ട്രീയമാണ് എന്നിങ്ങനെ നീളുന്നു ആക്ഷേപങ്ങൾ. കേട്ടതിലും പറഞ്ഞതിലുമൊക്കെ ചില ശരികൾ ഉണ്ടെന്ന് ആർക്കെങ്കിലും തോന്നിയാൽ അവരെ തെറ്റുപറ യാൻ സാധിക്കില്ല എന്ന വസ്തുത അംഗീകരിക്കു മ്പോഴും വിവാദങ്ങളെ തൽക്കാലം നമുക്ക് മാറ്റി നിർത്താം. അതേസമയം, അവാർഡുകളുടെ പരിഗണനാരീതിയിലെ പരിമിതികളെന്നോ പരാധീനതകളെന്നോ ഒക്കെ പറയാവുന്ന മറ്റുചില സംഗതികളിലേക്ക് ഒന്ന് കണ്ണോടിക്കാം.

- അനീഷ് മോഹനചന്ദ്രൻ

സംസ്ഥാന സർക്കാരിന്റെ പുരസ്ക്കാരപ്പട്ടികയിൽ ഇടം നേടിയ വിഖ്യാത നടൻ വിജയരാഘവന് ലഭിച്ചത് മികച്ച സ്വഭാവനടനുള്ള അംഗീകാരമാണ്. പൂക്കാലം എന്ന ചിത്രത്തിലെ ഇട്ടൂപ്പ് എന്ന കഥാപാ ത്രത്തിന്റെ സൂക്ഷ്മഭാവങ്ങൾ ആദ്യാവസാനം നിലനിർത്തിയതിനാണ് അദ്ദേഹത്തിന് പുരസ്ക്കാരം നൽകുന്നതെന്ന് ജൂറി വിലയിരുത്തുകയുണ്ടായി. അര നൂറ്റാണ്ടോളം കാലം മലയാള സിനിമയുടെ ഭാഗമായി നിലനിൽക്കുന്ന മഹാനടനാണ് വിജയരാഘവൻ. അദ്ദേഹത്തിന്റെ കരിയറിലെ ആദ്യ സംസ്ഥാന പുരസ്ക്കാരമാണ് ഇത് എന്നതും എടുത്തു പറയേണ്ട സംഗതിയാണ്. അതുകൊണ്ടു തന്നെ വിജയരാഘവനെ സംബന്ധിച്ചിടത്തോളം ഈ പുരസ്ക്കാരത്തിന് മാധുര്യമേറും.