ദി പ്രൊട്ടക്ടർ

മനയ്ക്കൽ തറവാട്ടിലെ ഇരട്ടക്കൊലപാതകത്തിന്റെ ചുരുളുകൾ നിവർത്താൻ സത്യ എത്തി

- വാഴൂർ ജോസ്

ഐരാവതക്കുഴി എന്ന ഉത്തരമലബാറിലെ പേരും പെരുമയും ആളും അർത്ഥവും കൊണ്ട് സമ്പന്നമാണ് മനയ്ക്കൽ മന.

ബ്രിട്ടീഷ് ഭരണാധികാരികൾക്ക് ഏറെ വിശ്വസ്തമായ കുടുംബം. അവരുടെ പല രഹസ്യങ്ങളും പേറുന്നത് മനയ്ക്കൽ തറവാട്ടിലാണെന്നാണ് പറയപ്പെടുന്നത്. എന്തും ചെയ്യും. ആരും ചോദിക്കാൻ ധൈര്യപ്പെടില്ല.

ഇവിടെ പല ദുരൂഹതകളും നിറഞ്ഞു നിൽക്കുന്നുവെന്ന് നാട്ടുകാർക്കിടയിൽ വലിയ സംസാരമു ണ്ട്. ഇവിടെ താമസിക്കുന്നത് വലിയ ദുരന്തങ്ങൾക്ക് കാരണമാകുമെന്ന് പറയുന്നുണ്ടെങ്കിലും തങ്ങൾക്ക് അവകാശപ്പെട്ട മനയിൽ താമസിക്കുവാൻ ഒരു കുടുംബം എത്തുന്നു. ഭാര്യാഭർത്താക്കന്മാരായ സുദേവനും സുമതിയും അവരുടെ നാല് വയസ്സ് പ്രായമുള്ള ആവണിയും കണ്ണനുമായിരുന്നു ഇവിടുത്തെ പുതിയ അന്തേവാസികൾ.

പലരും ഇവരെ ഇവിടെ താമസിക്കുന്നതിൽ നിന്നും പിന്തിരിപ്പിക്കാൻ ശ്രമിച്ചെങ്കിലും കഴിഞ്ഞില്ല. വീണ്ടും ദുരന്തം മനയിലേക്ക് കടന്നുവന്നു. സുദേവനും സുമതിയും കൊല്ലപ്പെട്ടു. കണ്ണൻ അപ്രത്യക്ഷനായി. അവശേഷിച്ച ആവണിയെ ആ മനയുമായി ഏറെ ബന്ധമുള്ള ഒരു വൈദ്യർ സംരക്ഷിക്കുന്നു. പിന്നെയും പല സാഹചര്യങ്ങളിലായി ദുരന്തങ്ങൾ മനയിൽ അരങ്ങേറിക്കൊണ്ടിരിക്കുന്നു. ഈ സാഹചര്യത്തിലാണ് ഈ ഇരട്ടക്കൊലപാതകത്തിന്റെ ചുരുളുകൾ നിവർത്തുവാൻ സി.ഐ സത്യ ഇവിടേക്ക് എത്തപ്പെടുന്നത്.