മമ്മൂട്ടി എംടി: ഹൃദയസ്പർശിയായ ആ ചിത്രം!

ഇന്നത്തെ പല ത്രില്ലെർ സിനിമകളിൽ കാണും വിധം ഭീതിപ്പെടുത്തുന്ന രംഗങ്ങളോ വേട്ടയാടുന്ന തരം പശ്ചാത്തല സംഗീതങ്ങളോ ഇല്ലാ തെതന്നെ പ്രേക്ഷകനെ പിടിച്ചിരുത്തുന്ന പശ്ചാത്തലസംഗീതമാണ് ജോൺസൻ മാസ്റ്ററിന്റേത്. ജോൺസന്റെ സംഗീതത്തിന്റെ അകമ്പടി യോടെ പുത്തൻ വെളിപ്പെടുത്തലുകൾ ഉണ്ടാകുമ്പോൾ അവിടെ ഉള്ളു പുകയുന്ന നിമിഷങ്ങളാണ് നമുക്ക് കിട്ടുന്നത്

- ദിവ്യ ശിവപ്രസാദ്

സിനിമയുടെ മുഴുവൻ സസ്പെൻസും ഒറ്റ പേരിൽ ഒളിപ്പിച്ച എംടി എന്ന എഴുത്തുകാരന്റെ ബ്രില്ലിയൻസാണ് ഉത്തരം ' എന്ന ചിത്രം. 1989ൽ മമ്മൂട്ടിയെ പ്രധാന കഥാപാത്രമാക്കി എം.ടി വാസുദേവൻ നായർ കഥാ തിരക്കഥ രചിച്ച , വി. കെ പവിത്രന്റെ സംവിധാനത്തിൽ ഒരുങ്ങിയ മിസ്റ്ററി ത്രില്ലെർ ചിത്രമാണ് ഉത്തരം. ഡാഫനെ ഡു മൗറിയുടെ നോ മോട്ടീവ്' എന്ന ചെറുകഥയെ ആസ്പദമാക്കിയാണ് എംടി ഈ ചിത്രത്തിന്റെ കഥ ഒരിക്കിയിരിക്കുന്നത് .

സെലീന മാത്യു മരിച്ച ദിവസം എല്ലാം സാധാരണ പോലെ തോന്നി. കറുത്ത സാരിയുടുത്ത് പതിവുപോലെ പുഞ്ചിരിക്കുന്ന അവളെ കാര്യസ്ഥൻ അച്യുതൻ നായർ നിമിഷങ്ങൾക്ക് മുമ്പ് കണ്ടിരുന്നു. മുകളിൽ എവിടെനിന്നോ ഒരു വെടിയൊച്ചയാകുമെന്ന് അയാൾ ആദ്യം ചിന്തിച്ചില്ല എന്നത് വളരെ സാധാരണമാണ്. പേടിച്ച ചുവടുകളോടെ അയാൾ മുകളിലേക്ക് ചെല്ലുമ്പോൾ കാണുന്നത് സ്വയം വെടിയുതീർത്ത മരിച്ചു കിടക്കുന്ന സെലീനയെ ആണ്.