നറുമണമുള്ള ഇളനീർ

കരിക്കിൻവെള്ളത്തിനു മധുരത്തോടൊപ്പം സുഗന്ധവുമുള്ള തെങ്ങിനം

- ജെ. ജയിംസ്-

കരിക്കിൻ വെള്ളത്തിനു മധുരത്തോടൊപ്പം നേരിയ സുഗന്ധവുമുണ്ടെങ്കിലോ? നറുമണമുള്ള ഇളനീരിന് ആവശ്യക്കാരേറുമെന്നതിൽ തർക്കമില്ല. വിനോദസഞ്ചാരകേന്ദ്രങ്ങളിലും മറ്റും ഉയർന്ന വിലയ്ക്ക് വിൽക്കാവുന്ന അപൂർവ ഇനം സുഗന്ധ ഇളനീരിന്റെ തൈകളുണ്ടാക്കി നേട്ടം കൊയ്യുകയാണ് തമിഴ്നാട് പളനി സ്വദേശി ഏഴിൽ കുമരനും അച്ഛൻ ജ്യോതി ശ്വരൻ നാച്ചിമുത്തുവും. ഇളനീരിനും കാമ്പിനും രുചിയും മധുരവും കൂടുതലുള്ള ഈ ഇനം തായ്ലൻഡിലും മലേഷ്യയിലുമൊക്കെയാണ് ലഭിച്ചിരുന്നത്.