ഡ്രാഗൺ കാൻഡി റംബുട്ടാൻ ജാം

 വിദേശപ്പഴങ്ങളുടെ മൂല്യവർധന മികച്ച സംരംഭസാധ്യത

- വീട്ടിലൊരു സംരംഭം

വിദേശപ്പഴങ്ങളിൽ കേരളത്തിൽ കൃഷിയും പ്രചാരവുമേറിവരുന്ന   രണ്ടിനങ്ങളാണ് റംബുട്ടാനും ഡ്രാഗൺ ഫ്രൂട്ടും. അത്യുപാദനശേഷിയുള്ള ഇനങ്ങളും അനുകൂല കാലാവസ്ഥയുമാകുമ്പോൾ  ഇവയുടെ ഉൽപാദനമേറും. എന്നാൽ എല്ലായ്പോഴും നല്ല വില ലഭിക്കണമെന്നില്ല. അപ്പോൾ പാഴാക്കിക്കളയാതെ ഒട്ടേറെ ഉൽപന്നങ്ങൾ ഇവയിൽനിന്ന് ഉണ്ടാക്കാം.

റംബുട്ടാൻ ഉൽപന്നങ്ങൾ

 മുള്ളുപോലുള്ള പുറന്തൊലി നീക്കം ചെയ്തതിനുശേഷം അകത്തെ കാമ്പ് അടർത്തിയെടുക്കണം. ചിലയിനങ്ങളിൽ കാമ്പ് അടർത്തുന്നത് ശ്രമകരമാണ്. അതിനാൽ തിളച്ച വെള്ളത്തിൽ കുരു ഉൾപ്പെടെ കാ ഇട്ടതിനു ശേഷം നന്നായി ഇളക്കി യോജിപ്പിക്കുക. മുക്കാൽ ഭാഗത്തോളം പൾപ്പ് വെള്ളത്തിൽ ലയിച്ചു ചേർന്നിട്ടുണ്ടാവും. ബാക്കിയുള്ള കാമ്പ്, ഒരു പ്ലാസ്റ്റിക് നെറ്റ് ഉപയോഗിച്ചു പിഴിഞ്ഞെടുക്കുക.

നൈലോൺ ബ്രഷ് ഘടിപ്പിച്ച് കൂട്ട് പൾപ്പർ ഉപയോഗിച്ച് കുരു അരയാതെ പൾപ്പ് ശേഖരിക്കാം. ഈ പൾപ്പ് ഉപയോഗിച്ച് കാൻഡി (മിഠായി), ജാം, സ്ക്വാഷ്, ജെല്ലി എന്നിവ തയാറാക്കാം.