ഇത്തിരി തീറ്റ, ഒത്തിരി പച്ചില ക്രിസ്മസ് ടർക്കി റെഡി

കുറഞ്ഞ ചെലവിൽ ടർക്കിയെ വളർത്തി വരുമാനം നേടുന്ന യുവസംരംഭകൻ

ഈസ്റ്റർ മുട്ടയും ക്രിസ്മസ് ടർക്കിയും രണ്ട് ആഘോഷങ്ങളുടെ സ്പെഷൽ വിഭവങ്ങളാണ്. എന്നാൽ കേരളത്തിലെ വളരെ കുറച്ചു വീടുകളിൽ മാത്രമാണ് ഇപ്പോഴും ഇവ കാണാൻ സാധിക്കുക. ഈസ്റ്റർ മുട്ട താരതമ്യേന കൂടുതൽ പ്രചരിക്കുന്നുണ്ടെങ്കിലും ക്രിസ്മസിനു ടർക്കി കഴിക്കുന്നത് പലർക്കും ഒരു സങ്കൽപം മാത്രമാണിപ്പോഴും. ആവശ്യമുള്ളപ്പോൾ വേണ്ടത്ര കിട്ടാനില്ലെന്നത് ഒരു കാരണം. 7 കിലോ വരുന്ന ടർക്കിക്കോഴി കിലോയ്ക്ക് 550 രൂപ നിരക്കിൽ പലർക്കും താങ്ങാനാവില്ലെന്നത് മറ്റൊരു കാരണം.