ചെണ്ടുമല്ലിക്കൃഷിക്ക് ഒരുങ്ങാം

ഓണപ്പൂക്കളമൊരുക്കുന്നതിനു വൻതോതിൽ ആവശ്യമുള്ള ചെണ്ടുമല്ലിയുടെ കൃഷിക്ക് കേരളത്തിൽ മികച്ച സാധ്യത 

- ജോസ് വർഗീസ്

ഓണക്കാലത്തു വലിയ തോതിൽ ആവശ്യം വരുന്ന ചെണ്ടുമല്ലിപ്പൂക്കൾ കൃഷി ചെയ്യാൻ താൽപര്യമു ള്ളവർക്ക് ഇപ്പോഴേ ഒരുക്കം തുടങ്ങാം. ഓണപ്പൂക്കളമൊരുക്കുന്നതിനു വ്യാപകമായി ഉപയോഗിക്കുന്നതിനാൽ ചെണ്ടുമല്ലിയുടെ കൃഷിക്ക് ഇവിടെ പ്രചാരമേറി വരികയാണ്.

ഓണത്തിനു വിളവെടുക്കണമെങ്കിൽ ജൂണിൽ തൈ നടണം. നല്ല നീർവാർച്ചയുള്ളതും സൂര്യപ്രകാശം ധാരാളം ലഭിക്കുന്നതുമായ പ്രദേശമാണ് കൃഷിക്കായി തിരഞ്ഞടുക്കേണ്ടത്. അമ്ലസ്വഭാവമുള്ള മണ്ണ് അനുയോജ്യമല്ലാത്തതിനാൽ കുമ്മായവസ്തുക്കൾ നൽകി മണ്ണിന്റെ അമ്ലത കുറയ്ക്കണം.