പൂവാറംതോടിന്റെ നെറുകയിൽ

ജോലി വിട്ട് കൃഷിയും ഫാം ടൂറിസവും തിരഞ്ഞെടുത്ത ദമ്പതിമാർ

വിവാഹം കഴിഞ്ഞ നാളിൽത്തന്നെ ഭാര്യ ജിഷയോട് വിനോദൻ പറഞ്ഞു: “50 വയസ്സെത്തുമ്പോൾ ജോലി അവസാനിപ്പിച്ച് കൃഷിജീവിതത്തിലേക്കു തിരിയും'. എതിർപ്പുണ്ടായിരുന്നില്ല ജിഷയ്ക്കും. തിക്കും തിരക്കുമില്ലാത്ത, സ്വസ്ഥമായ ഗ്രാമീണജീവിതത്തോട് ഇഷ്ടം എന്നുമുണ്ടായിരുന്നു. അതേസമയം അൻപതാം വയസ്സിൽ വിശ്രമജീവിതം തുടങ്ങേണ്ടതുമില്ല. ജോലിയിലൂടെ നേടിയ കരുതൽധനത്തിലൊരു പങ്ക് കൃഷിയിൽ നിക്ഷേപിച്ച് മികച്ച വരുമാനം നേടി, കടുത്ത ലാഭ, നഷ്ടങ്ങളുടെ സമ്മർദമില്ലാതെ ജീവിക്കാനായിരുന്നു താൽപര്യം', കോഴിക്കോട് വടകര സ്വദേശി വിനോദൻ ഇടവന പറയുന്നു. 

സമ്പാദ്യം നിക്ഷേപിക്കാൻ എന്തു കൊണ്ടു കൃഷി എന്ന ചോദ്യത്തിന് വിനോദന് ഉത്തരമുണ്ട്. ഒന്ന്, ശരിയായ കണക്കുകൂട്ടലോടെ കൃഷിയിലേക്കു വന്നാൽ മികച്ച ലാഭം നേടാം. രണ്ട്, കൃ ഷിയും വിളവും നൽകുന്ന സന്തോഷം മറ്റൊന്നിലും കണ്ടില്ല. ജീവിതത്തോടുള്ള ഈ കാഴ്ചപ്പാടാണ് തന്റെ കാർഷിക സംരംഭത്തിന് അടിത്തറയെന്നു വിനോദൻ. കൃഷിയിൽ ഏതിനം എന്നു കണ്ടെത്തിയതും സ്വന്തം അഭിരുചികളുടെ അടിസ്ഥാനത്തിൽ തന്നെ. അധികം ആളും ബഹളവുമില്ലാത്ത, ശുദ്ധവായു ലഭിക്കുന്ന സ്ഥലമായിരുന്നു മനസ്സിൽ.

അതിനോടു പൊരുത്തപ്പെടുന്ന വരുമാനമേഖലയായി കണ്ടത് ഗ്രാമീണ ഫാം ടൂറിസം. ചുരുക്കത്തിൽ, ജോലി വിട്ട് കൃഷിജീവിതം തിരഞ്ഞെടുക്കുന്നവർ സ്വന്തം സാഹചര്യങ്ങൾക്കും അതിലുപരി താൽപര്യങ്ങൾക്കും അനുസൃതമായി തിരഞ്ഞെടുപ്പു നടത്തുകയെന്നത് ഒന്നാം പാഠമെന്നു വിനോദൻ.

നിക്ഷേപം സൂക്ഷിച്ച്