ദീർഘകാല ലക്ഷ്യങ്ങൾക്കു ഫ്രീഡം എസ്ഐപി

കൃത്യമായി പ്രവചിക്കാനും കണക്കുകൂട്ടാനും സാധിക്കും വിധം നേട്ടം നൽകുന്നതാണു ഫ്രീഡം എസ്ഐപി.

- എ. വിനോദ് കുമാർ ഫൗണ്ടർ, പെർച്വൽ ഇൻവെസ്റ്റ്മെന്റ്സ്

മക്കളുടെ വിദേശപഠനം, കല്യാണം, റിട്ടയർമെന്റ് തുടങ്ങി ദീർഘകാല ലക്ഷ്യങ്ങളെ മുൻനിർത്തിയുള്ള നിക്ഷേപം നേട്ടം നൽകണമെങ്കിൽ അതീവശ്രദ്ധ വേണം. കാലങ്ങളോളമുള്ള, അച്ചടക്കമാർന്ന നിക്ഷേപത്തിലൂടെ മാത്രമേ ഇത്തരം ലക്ഷ്യങ്ങൾ സാധിക്കൂ. അതിനു നിക്ഷേപകനെ ഏറ്റവുമധികം സഹായിക്കുന്നതാണ് സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ അഥവാ എസ്ഐപി. വളരെ ലളിതവും എന്നാൽ ശക്തവുമായ നിക്ഷേപ പദ്ധതിയാണിത്. ഇഷ്ടപ്പെട്ട മ്യൂച്വൽ ഫണ്ടിലെ പ്രതിമാസ നിക്ഷേപത്തിലൂടെ ദീർഘകാല ലക്ഷ്യങ്ങൾ നേടാവുന്നതാണ്. നിക്ഷേപച്ചെലവ് കുറയ്ക്കാനും വിപണിയിലെ ചാഞ്ചാട്ടത്തെ അതിജീവിക്കാനും കൂടുതൽ സമ്പത്തു സൃഷ്ടിക്കാനുമെല്ലാം എസ്ഐപി സഹായിക്കുന്നു.

മികച്ച ഫ്രീഡം പ്ലാൻ