തട്ടിപ്പ്കാര്യം കുട്ടികളിയല്ല

നിങ്ങളുടെ പേരിൽ ഒരു തട്ടിപ്പ് ശ്രദ്ധയിൽ പെട്ടാൽ അത് ഉടനെ അടുപ്പമുള്ള എല്ലാവരെയും അറിയിക്കണം, ഇല്ലെങ്കിൽ അപകടമാകും.

- കെ. കെ. ജയകുമാർ

സാമ്പത്തികനില എങ്ങനെയാണ്? രാവിലെ സുഹൃത്തിന്റെ വാട്സാപ് മെസേജ്. വളരെ നാളുകൾക്കു ശേഷമാണ് സുഹൃത്തിന്റെ മെസേജ്. കുഴപ്പമില്ല. അങ്ങനെ പോകുന്നു. ഞാൻ റിപ്ലൈ അയച്ചു. സുഹൃത്ത് എന്തോ മെസേജ് കുറെ നേരമായി ടൈപ്പ് ചെയ്യുന്നു. പക്ഷേ, ഒന്നും വരുന്നില്ല.

പണം കടം ചോദിക്കാനായിരിക്കും. അടുത്ത മെസേജിൽ കാശ് ചോദിക്കുമെന്ന് ഉറപ്പിച്ച് ഞാൻ കാത്തിരുന്നു. പക്ഷേ, ഒന്നും വരുന്നില്ല. എനിക്കു ദേഷ്യം വന്നു. എന്താ പതിവില്ലാതെ സാമ്പത്തിക സ്ഥിതിയെപ്പറ്റി അന്വേഷണം? ഞാൻ ചോദിച്ചു.

"അല്ല, നിന്റെ സാമ്പത്തികനില കുഴപ്പമില്ല എങ്കിൽ എനിക്ക് ഒരു അത്യാവശ്യമുണ്ടായിരുന്നു. ആ പണം ഒന്നു തിരിച്ചിട്ടേക്കാമോ?' ഉടനെ വന്നു മെസേജ്.

ഇതു കണ്ട് ഞാൻ തിരിച്ചുവിളിച്ചു. “ഏതു പണത്തിന്റെ കാര്യമാണു പറയുന്നത്?'