ഒഴിവില്ലെങ്കിലും വഴിയുണ്ട്

ആർട്ടിഫിഷ്യൽ ഇന്റലിജൻസ് വിപണിയെ കീഴടക്കുന്ന കാലത്ത് ഒട്ടും ആർട്ടിഫിഷ്യലാകാതെ സക്രിയമായിരിക്കുക എന്നതാണു കച്ചവടത്തിന്റെ കാതൽ.

ഒരാൾ ഒരു പുസ്തക പ്രസിദ്ധീകരണശാലയിൽ ചെന്നു മാനേജിങ് ഡയറക്ടറെ കണ്ടു ചോദിച്ചു. ഇവിടെ പത്രാധിപന്മാരുടെ ഒഴിവുണ്ടോ? ഇല്ല.

മാർക്കറ്റിങ് വിഭാഗത്തിൽ ഒഴിവുണ്ടോ? ഇല്ല.

പാക്കിങ് വിഭാഗത്തിലോ?-ഇല്ല.

ഇവിടെ ഒരു വിഭാഗത്തിലും ഒഴിവുകളില്ല. ഹൊ! ഇതെന്തൊരു ശല്യമാണ്. തന്നെപ്പോലുള്ള തൊഴിലന്വേഷകർക്കു മറുപടി നൽകി. നൽകി ഞാൻ മടുത്തിരിക്കുകയാണ്. എന്റെ എത്ര സമയമാണ് ഇതിനുവേണ്ടി വെറുതെ കളയുന്നത്.

മാനേജിങ് ഡയറക്ടർ ഇങ്ങനെയൊക്കെ പറഞ്ഞ് അസ്വസ്ഥനായപ്പോൾ ആ തൊഴിലന്വേഷി സന്തോഷിക്കുകയാണു ചെയ്തത്.