പെട്ടെന്നു പണമുണ്ടാക്കാനുള്ള വഴി

ഈ ലോകത്ത് പെട്ടെന്നു പണമുണ്ടാക്കാനുള്ള അത്ഭുതവിദ്യയോ ആപ്പോ, സോഫ്റ്റ് വെയറോ ഇല്ല.

- കെ.കെ.ജയകുമാർ

മഴയിൽ നനഞ്ഞ ഞായറാഴ്ച പ്രഭാതം. പതിവ് ഒച്ചയും അനക്കവുമൊന്നുമില്ല. ഞാൻ സിറ്റൗട്ടിലേക്കു നടന്നു. അവിടെ എല്ലാവരുമുണ്ട്. അമ്മയും ഭാര്യയും കലപില വർത്തമാനം. അച്ഛൻ പത്രം വായിക്കുന്നു. അതിലൊരെണ്ണം തട്ടിയെടുത്ത് നിലത്തുവിരിച്ച് കമിഴ്ന്നു കിടന്നു വായിക്കുന്നതായി അഭിനയിക്കുന്ന മകൾ. എന്നെക്കണ്ടതും അച്ഛൻ വായന ഉച്ചത്തിലാക്കി: "ഓൺലൈൻ തട്ടിപ്പ്. ബാങ്ക് മാനേജർക്കു നഷ്ടമായത് 10 ലക്ഷം.

"ഓഹരിത്തട്ടിപ്പിൽ ഡോക്ടർക്കു പോയത് ഒന്നരക്കോടി'യെന്ന് മകൾ. "ഇനി പെഴ്സണൽ ഫിനാൻസ് അനലിസ്റ്റിന്റെ കയ്യിൽ നിന്ന് എത്രയാണോ പോകുന്നത്?' എന്ന് തഗ്ഗടിച്ച് ഭാര്യ.