തിരുത്തൽ തുടങ്ങി ഉപയോഗപ്പെടുത്താം ബാലൻസ്ഡ് അഡ്വാന്റേജ് ഫണ്ടുകൾ

നിലവിലെ സാഹചര്യത്തിൽ ഓഹരിക്കൊപ്പം കടപത്രങ്ങളുടെ മികവുകൂടി എടുത്താൽ നേട്ടവും സുരക്ഷയും ഉറപ്പാക്കാം

-  ജോൺസി ജേക്കബ് എംഡി, തിരുക്കൊച്ചി ഫിനാൻഷ്യൽ സർവീസസ്

ഇന്ത്യൻ ഓഹരിവിപണി ഒരു തിരുത്തലിലേക്കു കടന്നിരിക്കുകയാണ്. മിഡിൽ ഈസ്റ്റിലെ രാഷ്ട്രീയ സാഹചര്യം, ക്രൂഡ് ഓയിൽ വില, ഓഹരികളുടെ ഉയർന്ന മൂല്യം തുടങ്ങിയവയെല്ലാം അതിനു കാരണമാണ്. അമേരിക്കയിൽ ഫെഡ് റിസർവ് പലിശനിരക്ക് കുറയ്ക്കാൻ തുടങ്ങിയിട്ടുണ്ട്. വരാനിരിക്കുന്ന യുഎസ് തിരഞ്ഞെടുപ്പുഫലവും വിപണിയെ സ്വാധീനിക്കും. അതേ സമയം ഇന്ത്യൻ ബോണ്ട് മാർക്കറ്റിൽ, പ്രത്യേകിച്ച് ലോങ്-ഡറേഷൻ ബോണ്ടുകളുടെ നേട്ടം ഉയരുകയാണ്.