ഇടറി വീഴാത്ത സ്വപ്നങ്ങൾ

മിനിസ്ക്രീൻ പ്രേക്ഷകരുടെയും യുവതലമുറയുടെയും ഹരമാണ് അക്ബർ ഖാൻ. ഗായകൻ എന്നതിലുപരി സൗണ്ട് എൻജിനീയർ, പ്രോഗ്രാമർ, റിഥം ഗിത്താറിസ്റ്റ് എന്നീ നിലകളിലും സ്റ്റാറാണ് ഈ തൃശൂരുകാരൻ...

- പി. ജസീല

കലകളുടെ കൂട്ടത്തിൽ ആളുകളുടെ ഹൃദയം കീഴടക്കാനുള്ള കഴിവ് ഏറ്റവും കൂടുതൽ സംഗീതത്തിനാണ്. ആ മഹാസാഗരത്തിൽ ചെറിയ ഓളങ്ങൾ തീർക്കാനെങ്കിലും സാധിച്ചാൽ ജീവിതം ധന്യമായി എന്ന് കരുതുന്ന ഒരാളെ കുറിച്ചാണ് പറയാൻ പോകുന്നത്. ഏഷ്യാനെറ്റിന്റെ 'മൈലാഞ്ചി, സീ കേരളത്തിന്റെ 'സരിഗമപ' എന്നീ റിയാലിറ്റി ഷോകളിലൂടെ മിനി സ്ക്രീൻ പ്രേക്ഷകരുടെയും യുവതലമുറയുടെയും ഹരമായി മാറിയ അക്ബർ ഖാന് ഒരു പരി ചയപ്പെടുത്തലിന്റെ ആവശ്യമേയില്ല. വലിയ ഒരു ഫാൻ ബേസുണ്ട് അക്ബറിന്റെ സ്വരമാ ഗായകൻ എന്നതിലുപരി സൗണ്ട് എൻജിനീയർ, പ്രോഗ്രാമർ, റിഥം ഗിത്താറിസ്റ്റ് എന്നീ നി ലകളിലും സ്റ്റാറാണ് ഈ തൃശൂതുകാരൻ സംഗീതയാത്രയെക്കുറിച്ച് അക്ബർ മനസ്സ് തുറക്കുന്നു.

വിദ്യസാഗർ പാടാൻ വിളിച്ചപ്പോൾ

ഒരു കഥ പറഞ്ഞാൽ കേട്ടിരിക്കാൻ സമയമുണ്ടോ എന്ന് ചോദിച്ച് അക്ബർ സംസാരം തുടങ്ങി.. ഷൂട്ട് നടന്നു കൊണ്ടിരിക്കുമ്പോഴാണ് എന്നെ തേടി വിളിയെത്തിയത്. “വിദ്യാ സാഗിന്റെ ഓഫിസിന്ന് പേശറെ...അക്ബർ താനേ..." എന്ന് ചോദിച്ചു. വിദ്യാജിയുടെ പി .എ. മുരുകനായിരുന്നു വിളിച്ചത്. ആരോ പറ്റിക്കാൻ വിളിക്കുന്നതാവും എന്ന് കരുതി “ചുമ്മാ പറ്റിക്കാതെ പോടേ...' എന്നു പറഞ്ഞ് കാൾ കട്ട് ചെയ്തു. അദ്ദേഹം വീണ്ടും വിളിച്ചു. കുറച്ചു തിരക്കാണെന്ന് പറഞ്ഞ് ഇക്കുറിയും കാൾ കട്ടാക്കി. അന്ന് രാത്രി ഗായിക സുജാതച്ചേച്ചി വിളിച്ചിട്ട് വിദ്യാസാഗർ വിളിക്കുമെന്ന് പറഞ്ഞു. അത് കേട്ടപ്പോൾ എന്റെ കിളി പോയി... സരിഗമപ'യിലെ ജഡ്ജുമാരിൽ ഒരാളായിരുന്നു സുജാതച്ചേച്ചി. അവർ മത്സരാർഥികളുടെ വോയ്സ് വിദ്യാസാഗറിന് അയച്ചുകൊടുത്തിരുന്നു.