ബജറ്റ് ട്രിപ്പിന് 10 രാജ്യങ്ങൾ

കുറഞ്ഞ ചെലവിൽ പോയി വരാവുന്ന 10 രാജ്യങ്ങളിതാ...

- വി.കെ. ഷമീം

ഒരു വിദേശയാത്ര ആരുടെയും സ്വപ്നമായിരിക്കും. നവമാധ്യമങ്ങളുടെയും പുതു സാങ്കേതിക വിദ്യകളുടെയും വരവോടെ ഈ സ്വപ്നങ്ങൾ കൈയെത്തും ദൂരത്താണ്. നാം കാണാത്ത കാഴ്ചകൾ, അനുഭവങ്ങൾ, വിശേഷങ്ങൾ... അങ്ങനെ നിരവധി അനുഭവങ്ങളാണ് ഓരോ രാജ്യത്തും കാത്തിരിക്കുന്നത്. മുൻകൂട്ടി പ്ലാൻ ചെയ്യുകയാണെങ്കിൽ ചുരുങ്ങിയത് 30,000 രൂപയുണ്ടെങ്കിൽ പല രാജ്യങ്ങളിലേക്കും പോയി വരാം. കേരളത്തിൽനിന്ന് കുറഞ്ഞ ചെലവിൽ പോയി വരാവുന്ന 10 പ്രധാന രാജ്യങ്ങൾ പരിശോധിക്കാം.

മലേഷ്യ

ഇന്ത്യയിൽനിന്ന് ഏറ്റവും കുറഞ്ഞ ചെലവിൽ പോകാൻ കഴിയുന്ന രാജ്യങ്ങളിലൊന്ന്. എയർ ഏഷ്യ, മലേഷ്യൻ എയർലൈൻസ് തുടങ്ങിയ കമ്പനികൾ കൊച്ചിയിൽ നിന്ന് നേരിട്ട് ക്വാലാലംപുരിലേക്ക് വിമാന സർവിസ് നടത്തുന്നുണ്ട്. ഏകദേശം നാലു മണിക്കൂറാണ് യാത്ര. കോഴിക്കോട്ടു നിന്നും തിരുവനന്തപുരത്തുനിന്നും നേരിട്ട് വിമാനമുണ്ട്. നിലവിൽ 2024 ഡിസംബർ 31 വരെ ഇന്ത്യക്കാർക്ക് വിസയില്ലാതെ പോകാം. കൂടാതെ, ഇ-വിസ സൗകര്യവും ലഭ്യമാണ്.

പ്രധാന സ്ഥലങ്ങൾ: • ക്വാലാലംപുർ, പെനാങ്, ലങ്കാവി, കാമറോൺ ഹൈ ലാൻഡ്സ്, മെലാക, ബോർണിയോ, പെർഹെന്റിയൻ ദ്വീപ്, തമൻ നെഗാര

മികച്ച സമയം: ഡിസംബർ-ഏപ്രിൽ

തായ്ലൻഡ്

കാഴ്ചകളുടെ പറുദീസ. ആഘോഷങ്ങളുടെ നാടു കൂടിയാണ് ഈ തെക്കുകിഴക്കൻ ഏഷ്യൻ രാജ്യം. കൊച്ചിയിൽ നിന്ന് നേരിട്ട് ബാങ്കോക്കിലേക്ക് ധാരാളം വിമാന സർവിസുണ്ട്. നാലു മണിക്കൂറാണ് യാത്ര. ഇന്ത്യക്കാർക്ക് വിസ ഓൺ അറൈവൽ സൗകര്യമുണ്ട്.

പ്രധാന സ്ഥലങ്ങൾ: ബാങ്കോക്ക്, ഫുക്കറ്റ്, ഫിഫി ദ്വീപ്, ചിയാങ് മായ്, കോ സമുയ്, ക്രാബി, പട്ടായ, സുകോതായ്

മികച്ച സമയം: • നവംബർ ഫെബ്രുവരി

മാലദ്വീപ്