വെന്റിലേഷൻ കുറയരുത്

വീടിനുള്ളിൽ സ്വാഭാവികമായ തണുപ്പ് വരുത്താനുള്ള മാർഗങ്ങളിതാ..

- തയാറാക്കിയത്: പി. ലിസി വിവരങ്ങൾക്ക് കടപ്പാട്: ഷീഹ ഹമീദ് Principal Architect, Dot Architects, Calicut കുടുംബം ആർക്കൈവ്സ്

ഇനിയുള്ള കാലങ്ങളിൽ ചൂട് കൂടുകയല്ലാതെ കുറയില്ല എന്ന് മനസ്സിലാക്കിയാകണം ഓരോരുത്തരും വീട് പണിയേണ്ടത്. പുതുതായി പണിയാൻ പോകുന്നവരും നിലവിൽ പണിതവർക്കും വീട്ടകത്തെ ചൂടിനെ പുറത്താക്കാൻ ഇതാ ചില പൊടിക്കൈകൾ...

ക്രോസ് വെന്റിലേഷൻ

കേരളത്തിൽ പൊതുവേ ഹ്യുമിഡിറ്റിയുള്ള കാലാവസ്ഥയാണ്. അതുകൊണ്ടുതന്നെ വീടിന്റെ പ്ലാൻ വരക്കുമ്പോൾ സൂര്യന്റെ സഞ്ചാരദിശ പ്രത്യേകം കണക്കിലെടുക്കണം. കിഴക്കുപടിഞ്ഞാറാണ് സൂര്യന്റെ സഞ്ചാരദിശ. അതുകൊണ്ട് ഈ ഭാഗങ്ങളിലാണ് കൂടുതലും ചൂടുണ്ടാവുക.

വീട് ഡിസൈൻ ചെയ്യുമ്പോൾ ആ ഭാഗങ്ങളിൽ ചുമരുകളുടെ ഏരിയ കുറക്കാൻ പ്രത്യേകം ശ്രദ്ധിക്കുക. കൂടാതെ, ആ ഭാഗങ്ങളിൽ ഒരു പാട് ഗ്ലാസുകൾ കൊടുക്കരുത്. ഇങ്ങനെ ചെയ്യുമ്പോൾ വീടിനുള്ളിലേക്ക് കയറുന്ന ചൂടിന്റെ അളവ് കൂടും. തെക്ക്-പടിഞ്ഞാറിലൂടെയാണ് കേരളത്തിൽ പ്രധാനമായും കാറ്റിന്റെ സഞ്ചാരദിശ വരുന്നത്. ആ ഭാഗത്ത് കൂടുതൽ ഓപൺ ഏരിയകൾ കൊടുക്കുകയാണെങ്കിൽ വീടിനുള്ളിൽ കൂടുതൽ വായുസഞ്ചാരം ലഭിക്കും. കിടപ്പുമുറികളിലും ഇത്തരത്തിൽ ജനലുകൾ നൽകുകയാണെങ്കിൽ വായുസഞ്ചാരം കൂടും.

എതിർദിശകളിലെ ജനാലകൾ തുറന്നിടുന്നതു കൊണ്ട് അകത്തെ വായുസഞ്ചാരം കുറച്ചുകൂടി സുഗമമാകും.

ഇരുനില വീടാണെങ്കിൽ താഴെ നിലയിൽ നിന്ന് ചൂടുപിടിച്ച് മുകളിലേക്കുയരുന്ന വായു പുറത്തേക്ക് തള്ളാൻ താഴെനിലയിൽ വലിയ വെന്റിലേഷൻ സംവിധാനമൊരുക്കണം. വീടിനുള്ളിൽ വായുസഞ്ചാരം ഉറപ്പാക്കാൻ ക്രോസ് വെന്റിലേഷൻ സഹായിക്കും.

ചൂടുകുറക്കും വരാന്തകൾ

ഫ്ലാറ്റ് റൂഫ് കൊടുക്കുന്നതിനുപകരം പഴയ ഇല്ലങ്ങളിലും തറവാട്ടുവീടുകളിലും ചെയ്തിരുന്നപോലെ സൺഷേഡുകൾ വരാന്തയിലേക്ക് അൽപം നീക്കിനിർമിക്കുക. ഇങ്ങനെ ചെയ്യുന്നതിലൂടെ സൂര്യപ്രകാശം വീട്ടിനുള്ളിലേക്ക് നേ രിട്ട് പതിക്കില്ല. അകത്തേക്ക് ചൂട് കയറുന്നതും കുറയും. എന്നാൽ, ഇങ്ങനെ വരാന്തകളിലേക്ക്ഇറക്കി സൺഷേഡുകൾ വാർക്കുമ്പോൾ വെളിച്ചം വീട്ടിനുള്ളിലേക്ക് കടക്കുന്ന വിധത്തിലായിരിക്കണം ചെയ്യേണ്ടത്. അത് നിങ്ങൾ പണിയുന്ന വീടിന്റെയും ഭൂമിയുടെ കിടപ്പിനനുസരിച്ചും ചെയ്യണം.

കോർട്ട് യാർഡ്