માતૃભાષાની સાથે-સાથે બોલીઓ પણ એટલી જ મહત્ત્વની

અન્ય ભાષાઓની જેમ બોલીઓ પણ મહત્ત્વની છે. બોલીઓનું પોતાનું આગવું સૌંદર્ય છે. તેનો રણકો, ઉચ્ચાર અને બોલવાની રીત વ્યક્તિને તે આત્મીયતા સાથે જોડે છે

- લતિકા સુમન

૨૧ ફેબ્રુઆરીના દિવસને આંતરરાષ્ટ્રીય માતૃભાષા દિન તરીકે મનાવવામાં આવે છે. ૧૭ નવેમ્બર, ૧૯૯૯માં યુનેસ્કોએ આ દિવસને આંતરરાષ્ટ્રીય માતૃભાષા દિવસ તરીકે ઊજવવાની જાહેરાત કરી. યુનેસ્કો પ્રમાણે દુનિયામાં બોલવામાં આવતી છ હજારથી વધુ ભાષાઓમાંથી ૪૩ ટકા ભાષાઓ લુપ્ત થઈ ચૂકી છે. ગઈ સદીમાં અંદાજે ૬૦૦ ભાષાઓ ગાયબ થઈ ગઈ છે. ભારતમાં પણ અંદાજે ૧૬૫૨ ભાષાઓ હતી, જેમાંથી હવે ૧૩૬૫ ભાષાઓ બચી છે જે પણ ધીમે-ધીમે લુપ્ત થતી જાય છે. આ વર્ષે યુનેસ્કોએ ઓડીશાના પ્રખ્યાત ભાષાશાસ્ત્રી અને લોકસાહિત્યકાર મહેન્દ્રકુમાર મિશ્રાને આંતરરાષ્ટ્રીય માતૃભાષા પુરસ્કાર ૨૦૨૩થી સન્માનિત કર્યા છે. તેમણે માતૃભાષા પર આધારિત બહુભાષાકીય શિક્ષણને ખૂબ મહત્ત્વ આપ્યું છે.