મોડર્ન ફેશન: કળા કે ગતકડાં?

ફૅશનમાં સમજ ન પડતી હોય કે ખાસ રસ ન હોય એ માણસ પણ અજાણતા આસપાસની પરિસ્થિતિઓ અને લોકોથી પ્રભાવિત થઈને વસ્ત્રો, જૂતાં અને અન્ય વસ્તુઓ દ્વારા નવી ફૅશનને અપનાવી લેતો હોય છે. ઉપરાંત, કોઈ પણ વ્યક્તિ સાવ અલગ પડીને એકલવાયી થઈ જવા ન ઇચ્છતી હોય. બાકીની ભીડ અને એનામાં કંઈક કોમન હોય એવું તે ઇચ્છે.

ફૅશન ઇન્ડસ્ટ્રી આજે પૈસો અને પ્રસિદ્ધિ, બંને દ્રષ્ટિએ અત્યંત વિશાળ બની ચૂકી છે. ફેશનમાં સમજ ન પડતી હોય કે ખાસ રસ ન હોય એ માણસ પણ અજાણતા આસપાસની પરિસ્થિતિઓ અને લોકોથી પ્રભાવિત થઈને વસ્ત્રો, જૂતાં અને અન્ય વસ્તુઓ દ્વારા નવી ફેશનને અપનાવી લેતો હોય છે. ઉપરાંત, કોઈ પણ વ્યક્તિ સાવ અલગ પડીને એકલવાયી થઈ જવા ન ઇચ્છતી હોય. બાકીની ભીડ અને એનામાં કંઈક કોમન હોય એવું તે ઇચ્છે. તન અને મનથી પણ યુવાન હોય એવી વ્યક્તિમાં આવું વલણ દ્રઢ હોય. ભારતની વાત કરીએ તો સામાન્ય રીતે જીવતાં લોકોની લાઇફમાં ફેશન ફિલ્મો દ્વારા એન્ટ્રી મારે છે. સ્ક્રિન પર પોતાના પ્રિય અદાકારો શું પહેરેલાં દેખાય છે અથવા રિયલ લાઇફમાં એમનો પહેરવેશ કેવો છે, એ બધું એક વિશાળ વર્ગના માનસ પર છપાતું રહે છે. એ સિવાય, ફેશનની દુનિયામાં નવું અને અતરંગી પ્રગટ થતું હોય છે. ફેશન શોમાં, જેનો ઇતિહાસ ખાસ જૂનો નથી. બે-એક સદી પહેલાં યુરોપના દેશોના ડિઝાઇનર વસ્ત્રોનું પ્રદર્શન કરવા માટે મોડેલ્સને હાયર કરવામાં આવતાં. ફ્રેન્ચ ભાષામાં ડિઝાઇનર માટેનો શાસ્ત્રીય શબ્દ છે, ‘ફૂટ્યુઅર’ અને ‘ઓટ' એટલે લાલિત્યપૂર્ણ, સુંદર કે ભવ્ય. કૂટ્યુઅર ઓટ એટલે ઉચ્ચ અને ભદ્ર વર્ગ (ખાસ કરીને સ્ત્રીઓ) માટે માપ પ્રમાણેનાં વસ્ત્રોનું નિર્માણકાર્ય. આ પ્રવૃત્તિને વધુ લોકપ્રિય બનાવનાર ડિઝાઇનર્સમાં બે નામ આગળ પડતાં હતાં; ફ્રાન્સનો પાઉલ પૌરે અને બ્રિટનની લ્યુસી ક્રિશ્ચિયાના ડફ-ગોર્ડન. ૧૯૧૨માં ડૂબી ગયેલા ટાઇટેનિકના બચી જનારા યાત્રીઓમાંની એક એવી લ્યુસી પોતાના સમયની વિખ્યાત ડિઝાઇનર હતી. આ બંનેએ આજે જેને ‘રન-અવે ફેશન શો' કહેવાય છે, એને પદ્ધતિસરની ઇવેન્ટ તરીકે વિકસાવી, ગ્લેમરનું તત્ત્વ ઉમેરીને વસ્ત્રોના વેચાણની નવી જ તરકીબ ઊભી કરવામાં સારું એવું યોગદાન આપેલું.

ડૂબી ગયેલા ટાઇટેનિક જહાજમાં બચી ગયેલી લ્યૂસી ફેશન ડિઝાઇનર હતી. ટાઇટેનિક ફિલ્મના કલાકારોની ડ્રેસ ડિઝાઇન તેણે કરી હતી. આજે યોજાતી ફેશન ઇવેન્ટનો આરંભ તેણે કર્યો હતો