મડિકેરી, પશ્ચિમ ઘાટનો વેલ્વેટી વ્યૂ

મડિકેરી આવ્યા પછી ‘ કૉફી નામા' તરીકે ઓળખાતા આ મડિકેરીની કૉફી સેન્ટેડ હવાને શ્વાસમાં મરી આસપાસનાં સ્થળોને એક્સપ્લોર કરવામાં ૧૮મી સદીમાં પુનઃનિર્માણ પામેલા મડિકેરી ફોર્ટ જવા જેવું છે મડિકેરી આસપાસના કૉફી પ્લાન્ટેશનની મુલાકાત ન લઈએ તે ન ચાલે. મડિકેરી આસપાસના કોઈ સમૃદ્ધ કૉફી પ્લાન્ટેશનમાં આંટો મારી કૉફીની લોભામણી ખુશ્બમાં ઊંડા શ્વાસ લેવા અહીંનો આનંદ છે

- રક્ષા ભટ્ટ

વાતાવરણમાં આસોની પર્વીય અસર તો દિવસોથી વરતાય છે. એવા ઉત્સવિયા વરતારા સાથે દિવાળીની રજાઓમાં ક્યાં જવું કે ક્યાં ભાગી જવું એ પણ એક પ્રાણ પ્રશ્ન હોય છે, કારણ કે અનેકોને તો ભીડથી ભાગવું છે એટલે એવા સ્થળે જવું છે જે ટ્રૅન્ડી નથી અથવા સો કૉલ્ડ પ્રવાસીઓની યાદીમાં ચડેલું નથી. આવી પસંદગી કરતી વખતે લીલીછમ ટેકરીઓ, મંદિરો, કેડીઓ, સર્પાકાર માર્ગો, મંદિરો અને ભારતીય સંસ્કૃતિની સુગંધ હોય તેવા મિડકેરી જેવા ડેસ્ટિનેશને જવાની મજા છે.

આ મિડકેરી કર્ણાટકના પૂર્ગમાં આવેલું હિલ ટાઉન તો છે જ, પરંતુ કૂર્ગ જિલ્લાનું મુખ્ય મથક પણ છે. કોડગુ એટલે કૂર્ગમાં આવેલી પશ્ચિમઘાટની પર્વતમાળામાં સ્થિત મડિકેરી ‘રાજાસ સીટ’ તરીકે જાણીતા સ્મારક માટે પણ જાણીતું છે, જ્યાં પહોંચ્યા પછી જંગલો અને ચોખાનાં ખેતરોનો ઓવરવ્યૂ આપણને શાતા આપે છે.

અનેકોને થાય છે કે શું કૂર્ગ અને મિડકેરી બંને એક જ સ્થળનાં બે નામ છે તો જવાબ છે કે મડિકેરી કૂર્ગનું મુખ્ય નગર છે જે કર્ણાટકના માનચિત્રમાં પણ મોટા અક્ષરે છપાયેલું નજરે ચડે છે. વિરાજપેટ, સોમવાર પેઠ અને મડિકેરીમાં વિસ્તરેલા ફૂર્ગ જિલ્લામાં આવેલું મિડકેરી તેના કૉફી પ્લાન્ટેશન માટે વિશેષ જાણીતું છે.

મુદુરાજન કેરી એટલે મહારાજા મુદુરાજની રાજધાની એવું મૂળ નામ ધરાવતા મિડકેરીનો ઇતિહાસ પૂર્ગ સાથે જોડાયેલો છે, જેમાં સત્તરમી સદીથી ઓગણીસમી સદીના ત્રીજા દાયકા સુધી અહીં રાજ્ય કરતાં મુદુરાજે મડિકેરીમાં કિલ્લો બંધાવી મિડકેરીને તેની રાજધાની બનાવી હતી. મુદુરાજની આ રાજધાની ભૌગોલિક રીતે ટ્રોપિકલ હાઇલૅન્ડ છે જે ૩,૮૪૦ ફૂટની ઊંચાઈ ૫૨ છે. પશ્ચિમ ઘાટનું આ પોપ્યુલર હિલ સ્ટેશન મૈસુરથી ૧૨૦ કિ.મી. અને કન્નુર આંતરરાષ્ટ્રીય હવાઈમથકથી માત્ર ૯૦ કિ.મી.ની લશગ્રીન રોડ ટ્રિપ પછી આવે છે.