வறட்சி நிவாரண மோசடி!

விவசாயிகளுக்கு வழங்கிய அலுவலக இளநிலை உதவி நிவாரணத்தை வட்டாட்சியர் யாளரே தனது வங்கிக் கணக்கு மூலம் திருடியது புதுக்கோட்டை மாவட்டத்தையே பரபரப்பாக்கியுள்ளது.

- இரா.பகத்சிங்

புதுக்கோட்டை மாவட்டம் மணமேல் குடி தாலுகா, பிராமணவயல் கோபாலபுரம் கிராமத்தை சேர்ந்த மதன், மணமேல்குடி தாலுகா அலுவலகத்தில் இளநிலை உதவியாளராக பணியாற்றி வருகிறார். கடந்த ஆண்டு, வெள்ளம், வறட்சியால் பாதிக்கப்பட்ட 31 விவசாயிகளுக்கு தமிழ்நாடு அரசு வழங்கிய நிவாரணத் தொகை ரூ.5.89 லட்சத்தை தனது இரு வங்கிக் கணக்குகளில் மாற்றி எடுத்துள்ளார் என்பதைக் கண்டறிந்து, மணமேல்குடி வட்டாட்சியர் ஷேக் அப்துல்லா காவல் நிலையத்தில் புகார் புகார் கொடுத்துள்ளார்.

வழக்குப்பதிவு செய்யப்பட்ட நிலையில், இளநிலை உதவியாளர் மதன் தலைமறைவாகி முன்ஜாமீனுக்கான முயற்சியில் உள்ளார்.

முறைகேடு குறித்து வட்டாட்சியர் கூறும்போது, "கடந்த ஆண்டு வறட்சி வெள்ள நிவாரணம் கொடுக்கும் பயனாளிகளான விவசாயிகளுக்கு அவர்களது வங்கிக்கணக்குகளுக்கு கருவூலம் மூலம் பிரித்து விவசாயிகளுக்கு வழங்கப்பட்டுள்ள நிலையில், பல விவசாயிகளின் வங்கிக் கணக்கு சரியாக இல்லாததால் அந்தத் தொகை வட்டாட்சியர் அலுவலகத்திற்கே திரும்பி வந்துள்ளது. திரும்பி வந்த 31 விவசாயிகளின் பெயர்களை மறுபடியும் பட்டியல் தயாரித்து, நிவாரணத்தை தனது 2 வங்கிக் கணக்கிலும் மாற்றி பணத்தை எடுத்துள்ளார்.