ரங்கநாதருக்கு வைரக்கிரீடம்! நெகிழ்ச்சியில் ஜாஹீர் ஹூசைன்!

கடந்த 2021ம் ஆண்டு, டிசம்பர் 10ஆம் தேதி பரதநாட்டியக் கலைஞரான ஜாகீர் ஹுசைன் ஸ்ரீரங்கம் கோவிலுக்கு ரங்கநாதரை தரிசிக்கச் சென்றார்.

- துரை.மகேஷ்

அங்கிருந்த ரங்கராஜன் நரசிம்மன் என்பவர் சத்தம் போட்டு, கோவிலை விட்டுத் துரத்தியதாக ஜாகிர் ஹுசைன் தன்னுடைய முகநூல் பக்கத்தில் மனக்கசப்புடன் பதிவிட்டிருந்தார்.

அதில் "நான் என் தாய்வீடாகக் கருதும், தினம் என் நாவிலும் நெஞ்சிலும் ஏற்றித் தொழும் தென்னரங்கனை என்னரங்கனாகக் கணப்பொழுதும் மறவாது கருதிக்கொண்டிருக்கும் திருவரவங்கத்திலிருந்து ஒரு மத வெறியனால் வலுக்கட்டாயமாக வெளியேற்றப்பட்டேன். காரணம், என் பெயர். முதன் முறையாக நான் இம்மதத்திற்கு தொடர் புடையவன் அல்ல என ஒரு மிகப்பெரும் சமூகமே பார்த்துக்கொண்டிருக்க, கண்டதடைவாக, பல அவமாசங்களுக்கிடையே துரத்தப்பட்டேன். இக்காயம் என்னை என்றென்றும் உறுத்திக்கொண்டே இருக்கும். ஆனாலும் என் பற்று அரங்கனை மற்றும் ஆண்டாளை விட்டு அணு அளவும் அகலாது. காலம், திருப் பாணனை உள்ளழைத்ததுபோல் என்னையும் என் நம்பிக்கையையும் ஒருநாள் ஏற்கும்.

அரங்கன் என்றும் எமக்குத் துணை" என்று கூறியிருந்தார்.