ప్రజాదరణలో రేవంత్ ముందడుగు

గత డిసెంబర్ ఏడో తేదీన తెలంగాణ రాష్ట్ర ముఖ్యమంత్రిగా ప్రమాణస్వీకారం చేసిన ముఖ్యమంత్రి ఎ.రేవంత్రెడ్డి ఎన్నికల సమయములో కాంగ్రెస్పార్టీ ఇచ్చిన హామీలను అమలుచేయడానికి చిత్తశుద్ధితో కృషిచేయడం పట్ల ప్రజలు హర్తం వ్యక్తం చేస్తున్నారు.

- - వి.బి. ప్రఫుల్ల కుమార్

గత డిసెంబర్ ఏడో తేదీన తెలంగాణ రాష్ట్ర ముఖ్యమంత్రిగా ప్రమాణస్వీకారం చేసిన ముఖ్యమంత్రి ఎ.రేవంత్రెడ్డి ఎన్నికల సమయములో కాంగ్రెస్పార్టీ ఇచ్చిన హామీలను అమలుచేయడానికి చిత్తశుద్ధితో కృషిచేయడం పట్ల ప్రజలు హర్తం వ్యక్తం చేస్తున్నారు. ప్రజల ఆదరణ పొందడములో, కాంగ్రెస్ పార్టీకి గత వైభవం తీసుకురావడంలో, కాంగ్రెస్ సీనియర్ నాయకులను తనతో కలుపుకొని ముందడుగు వేస్తున్నారు. మహిళలకు ఉచిత బస్సు ప్రయాణం కల్పించి, వారి ఆదరాభిమానాలు చూరగొనడమే గాకుండ, పెన్షన్, రెండు వందల యూనిట్ల ఉచిత విద్యుత్, ఐదువందలకే + రీఫిల్ సిలిండర్, రైతుబంధు వంటి సంక్షేమ కార్యక్రమాల అమలుకు కార్యాచరణ చేపట్టారు.

ఇదిలా ఉండగా డిసెంబర్ 26 నుండి జనవరి 6 వరకు తెలంగాణ రాష్ట్రవ్యాప్తంగా ప్రభుత్వం "ప్రజాపాలన” కార్యక్రమం నిర్వహించింది. ఈ కార్యక్రమంలో ప్రజలు తమ సమస్యలను, అవసరాలను ప్రభుత్వం దృష్టికి తీసుకువచ్చారు.ప్రభుత్వం అందిస్తున్న ఆరు ఉచిత గ్యారంటీల దరఖాస్తులు స్వీకరించారు. రేషన్కార్డులు, నీటి సమస్య, భూతగాదాలు, ప్రభుత్వం అందించే సంక్షేమ కార్యక్రమాలకు సంబంధించిన దరఖాస్తులు స్వీకరించారు. ఈ కార్యక్రమంలో మంత్రలు, శాసనసభ్యులు, ఇతర ప్రజాప్రతినిధులు ప్రజల నుండి ధరఖాస్తులు స్వీకరించారు. ఈ కార్యక్రమంలో సుమారు రెండున్నర కోట్ల వినతిపత్రాలు రావడం, రాష్ట్రంలో గత పదేళు గా తిష్టవేసిన సమస్యలకు నిదర్శనంగా భావించవచ్చును.