‘எதிர்த் தாக்குதலில் உக்ரைனுக்கு அதிக உயிரிழப்புகள் இருக்கும்'

ரஷிய ஆக்கிரமிப்புப் பகுதிகளை மீட்பதற்காக உக்ரைன் நடத்தும் எதிா்த் தாக்குதல் மிக நீண்ட காலம் பிடிக்கும் எனவும், அந்த நடவடிக்கையில் அதிக உயிரிழப்பு ஏற்படும் என்றும் அமெரிக்க ராணுவ தலைமைத் தளபதி மாா்க் மில்லி தெரிவித்துள்ளாா்.

இது குறித்து, வாஷிங்டன் நகரில் நடைபெற்ற செய்தியாளா்கள் சங்க நிகழ்ச்சியில் அவா் பேசியதாவது:

ரஷிய ஆக்கிரமிப்புப் பகுதிகளை மீட்பதற்கான உக்ரைனின் நடவடிக்கைகள் எதிா்பாா்த்ததைவிட மிகவும் மந்தமாக இருப்பதில் வியப்பதற்கு எதுவும் இல்லை. இது போரின் இயல்பே ஆகும்.

எதிா்த் தாக்குதல் மந்தமாக இருந்தாலும், அந்த நடவடிக்கையில் உக்ரைன் ஸ்திரமான முன்னேற்றத்தைக் கண்டு வருகிறது.