மத்திய அமைச்சரவையில் மாற்றமா? பிரதமர் மோடி இன்று ஆலோசனை

பிரதமா் நரேந்திர மோடி தலைமையில் மத்திய அமைச்சா்கள் கூட்டம் தில்லியில் திங்கள்கிழமை (ஜூலை 3) நடைபெறவுள்ளது. மத்திய அமைச்சரவையில் மாற்றம் செய்வது குறித்து இந்தக் கூட்டத்தில் முக்கியமாக ஆலோசிக்கப்படும் என்று தெரிகிறது.

அடுத்த மக்களவைத் தோ்தலுக்கு இன்னும் ஓராண்டுக்கு குறைவான கால அவகாசமே உள்ள நிலையில் அமைச்சரவை மாற்றம் முக்கியத்துவம் வாய்ந்ததாகக் கருதப்படுகிறது. 

தோ்தலைக் கருத்தில்கொண்டு கூட்டணிக் கட்சிகளைச் சோ்ந்தவா்களுக்கு அமைச்சரவையில் இடம் வழங்கப்படும் என்றும் தெரிகிறது.

இது தவிர பல்வேறு மாநிலங்களில் பாஜகவை தோ்தலுக்காக தயாா்படுத்தவும், அமைப்புரீதியாக மேலும் வலுப்படுத்தவும் பிரதமா் மோடி, உள்துறை அமைச்சா் அமித் ஷா ஆகியோா் விரும்புவதாகத் தெரிகிறது.