தமிழகத்தில் பயிற்சி பெற்ற மேகாலய மருத்துவர்களுக்கு சான்றிதழ்: அமைச்சர் மா.சுப்பிரமணியன் வழங்கினார்

மேகாலயா மாநிலத்தைச் சோ்ந்த 29 மருத்துவா்களுக்கு தமிழக மக்கள் நல்வாழ்வுத் துறை சாா்பில் சென்னையில் சிறப்பு சிகிச்சைகளுக்கான பயிற்சி அளிக்கப்பட்டது.

அதன் நிறைவில், பயிற்சி பெற்ற மருத்துவா்களுக்கு மக்கள் நல்வாழ்வுத் துறை அமைச்சா் மா.சுப்பிரமணியன் சான்றிதழ்களை வழங்கினாா்.

சென்னை, திருவல்லிக்கேணி அரசு கஸ்தூா்பா காந்தி மகப்பேறு மருத்துவமனை, எழும்பூா் அரசு தாய்-சேய் நல மருத்துவமனையில் மேகாலய மருத்துவா்களுக்கு உயிா் காக்கும் மயக்க மருந்தியல் சிகிச்சை, பேறுகால அவசர சிகிச்சை மற்றும் அல்ட்ராசவுண்ட் ஸ்கேன் பரிசோதனை ஆகிய துறைகளின் கீழ் 6 மாத கால பயிற்சிகள் வழங்கப்பட்டு வந்தன.