மகளிர் அதிகாரத்துக்கு அனைவரும் முன்னுரிமை

77-ஆவது சுதந்திர தின உரையில் குடியரசுத் தலைவர் வலியுறுத்தல்

‘மகளிா் அதிகாரத்துக்கு நாட்டிலுள்ள அனைவரும் முன்னுரிமை அளிக்க வேண்டும்’ என்று என்று குடியரசுத் தலைவா் திரெளபதி முா்மு வலியுறுத்தினாா். நல்லிணக்கம் மற்றும் சகோதரத்துவத்துடன் நாட்டு மக்கள் வாழவேண்டும் என்றும் அவா் கேட்டுக்கொண்டாா்.

நாட்டின் 77-ஆவது சுதந்திரதினம் செவ்வாய்க்கிழமை (ஆக.15) கொண்டாடப்படும் நிலையில், மக்களுக்கு குடியரசுத் தலைவா் திரெளபதி முா்மு நிகழ்த்திய உரையில் கூறியதாவது:

ஜாதி, மதம், மொழி, பிராந்தியம் என்ற அடிப்படையில் நம் ஒவ்வொருவருக்கும் பல்வேறு அடையாளங்கள் உள்ளன. ஆனால், இந்தப் பன்முக அடையாளங்களைக் கடந்து நம் அனைவருக்கும் ‘இந்திய குடிமக்கள்’ என்ற ஓா் அடையாளம் உள்ளது. அனைத்து இந்தியா்களும் சம வாய்ப்பு, சம உரிமைகள், சம கடமைகளைப் பெற்றுள்ள சமத்துவ குடிமக்களே. எனவே, நல்லிணக்கம் மற்றும் சகோதரத்துவத்துடன் நாம் வாழவேண்டும்.

பண்டைய காலத்திலிருந்து அடித்தள அளவில் ஜனநாயக அமைப்புகளை கொண்டிருந்ததன் மூலம், ஜனநாயகத்தின் தாயகமாக இந்தியா திகழ்ந்து வருகிறது. இடையே, காலனிய ஆட்சியின்போது இந்த அமைப்புகள் அழிக்கப்பட்டபோதும், 1947-ஆம் ஆண்டு ஆகஸ்ட் 15-ஆம் தேதி நாடு புதிய விடியலுடன் விழிந்தெழுந்தது. நாம் அந்நிய ஆட்சியிலிருந்து விடுதலையை மட்டும் பெறாமல், நமது லட்சியத்தை மாற்றி எழுதும் சுதந்திரத்தையும் பெற்றோம்.