அமெரிக்காவில் காலிஸ்தான் பிரிவினைவாதியைக் கொல்ல இந்தியா முயற்சி? கனடாவின் குற்றச்சாட்டை உறுதிப்படுத்தும் அமெரிக்க செய்தி: ஜஸ்டின் ட்ரூடோ

‘அமெரிக்காவில் காலிஸ்தான் பிரிவினைவாதியை கொலை செய்ய இந்தியா திட்டமிட்டதாக எழுந்துள்ள குற்றச்சாட்டுகள், நிஜ்ஜாா் கொலை வழக்கில் கனடா முன்வைத்த குற்றச்சாட்டுகளை உறுதிப்படுத்துகிறது’ என்று அந்நாட்டு பிரதமா் ஜஸ்டின் ட்ரூடோ வியாழக்கிழமை கூறினாா்.

கனடாவின் பிரிட்டிஷ் கொலம்பியா மாகாணத்தில், இந்தியாவால் பயங்கரவாதியாக அறிவிக்கப்பட்ட ஹா்தீப் சிங் நிஜ்ஜாா் கடந்த ஜூனில் கொல்லப்பட்டாா். இவரது கொலையில் இந்திய உளவு அமைப்புகளுக்கு தொடா்பிருப்பதாக கனடா பிரதமா் ஜஸ்டின் ட்ரூடோ கடந்த செப்டம்பரில் பகிரங்க குற்றச்சாட்டை முன்வைத்தாா்.

எனினும், அவரது குற்றச்சாட்டு அடிப்படையற்றது; உள்நோக்கம் கொண்டது என்று இந்தியா மறுப்பு தெரிவித்தது. இந்த விவகாரத்தால், இரு நாடுகளுக்கு இடையே தூதரக உறவுகள் கடுமையாக பாதிக்கப்பட்டன.