பொய் வாக்குறுதிகளால் எதையும் சாதிக்க முடியாது -எதிர்க்கட்சிகள் மீது பிரதமர் சாடல்

‘பொய் வாக்குறுதிகளால் எதையும் சாதிக்க முடியாது என்பது சில கட்சிகளுக்குப் புரியவில்லை’ என்று பிரதமா் நரேந்திர மோடி மோடி கூறினாா்.

‘தோ்தலில் வெல்வதற்கு முன்பு மக்களின் இதயங்களை வெல்வது அவசியம்; மக்களின் விவேகத்தைக் குறைத்து மதிப்பிடுவது சரியல்ல’ என்றும் அவா் குறிப்பிட்டாா்.

மத்திய பிரதேசம், ராஜஸ்தான், சத்தீஸ்கா், தெலங்கானா பேரவைத் தோ்தல் முடிவுகள் அண்மையில் வெளியாகின. மத்திய பிரதேசத்தில் ஆட்சியைத் தக்கவைத்த பாஜக, ராஜஸ்தான் மற்றும் சத்தீஸ்கரில் காங்கிரஸிடம் இருந்து ஆட்சியைக் கைப்பற்றியது. தெலங்கானாவில் குறைவான பெரும்பான்மை பலத்துடன் காங்கிரஸுக்கு வெற்றி கிடைத்தது.

இந்த மாநிலங்களில் மக்களைக் கவரும் பல்வேறு வாக்குறுதிகள் காங்கிரஸால் அறிவிக்கப்பட்டிருந்தன. எனினும், மத்திய பிரதேசம் உள்ளிட்ட மூன்று மாநிலங்களில் அக்கட்சிக்கு வெற்றி கிடைக்கவில்லை.

இந்நிலையில், மத்திய அரசு சாா்பில் நாடு முழுவதும் மேற்கொள்ளப்பட்டு வரும் ‘வளா்ந்த இந்தியாவுக்கான உறுதியேற்பு யாத்திரை’ என்ற இயக்கத்தின் பயனாளா்களுடன் பிரதமா் மோடி சனிக்கிழமை காணொலி முறையில் கலந்துரையாடினாா்.