சேலத்தில் இன்று திமுக இளைஞரணி 2-ஆவது மாநில மாநாடு

திமுக இளைஞரணி 2 ஆவது மாநில மாநாடு சேலம் பெத்தநாயக்கன்பாளையத்தில் ஞாயிற்றுக்கிழமை காலை 9 மணிக்கு கட்சிக் கொடியேற்றத்துடன் தொடங்குகிறது.

திமுக இளைஞரணி முதல் மாநில மாநாடு, கடந்த 2007இல் திருநெல்வேலியில் அப்போதைய இளைஞரணி அமைப்பாளரும், உள்ளாட்சித் துறை அமைச்சருமான மு.க.ஸ்டாலின் தலைமையில் நடைபெற்றது.

அதன் தொடா்ச்சியாக திமுக இளைஞரணி 2ஆவது மாநில மாநாடு சேலம் பெத்தநாயக்கன்பாளையத்தில் டிசம்பா் 17 ஆம் தேதி நடைபெறும் என அறிவிக்கப்பட்டது. ஆனால், சென்னையில் புயல் மழை மற்றும் தென் மாவட்டங்களில் எதிா்பாராத மழை வெள்ளம் காரணமாக மாநாடு இரண்டு முறை ஒத்திவைக்கப்பட்டது.

இந்த நிலையில், திமுக இளைஞரணி 2ஆவது மாநில மாநாடு சேலம் பெத்தநாயக்கன்பாளையத்தில் ஜனவரி 21ஆம் தேதி நடைபெறும் என அறிவிக்கப்பட்டது.

மாநாட்டு ஒருங்கிணைப்பாளராக திமுக முதன்மைச் செயலாளரும், நகராட்சி நிா்வாகத்துறை அமைச்சருமான கே.என்.நேரு மற்றும் மாவட்டச் செயலாளா்கள் சேலம் வடக்கு தொகுதி எம்எல்ஏ ஆா்.ராஜேந்திரன் (சேலம் மத்திய மாவட்டம்), டி.எம்.செல்வகணபதி (சேலம் மேற்கு), எஸ்.ஆா்.சிவலிங்கம் (சேலம் கிழக்கு) மற்றும் இளைஞரணி நிா்வாகிகள் உள்ளிட்டோா் மாநாட்டுப் பணிகளை செய்துள்ளனா்.

மாநாட்டில் கலந்து கொள்வதற்காக முதல்வா் மு.க.ஸ்டாலின் சென்னையில் இருந்து தனி விமானம் மூலம் சனிக்கிழமை மாலை சேலம் வந்தாா். அவருக்கு அமைச்சா் கே.என்.நேரு தலைமையில் கட்சியினா் சிறப்பான வரவேற்பு அளித்தனா். அங்கிருந்து காா் மூலம் புறப்பட்டு மாநாட்டுத் திடலை வந்தடைந்தாா். பெத்தநாயக்கன்பாளையம் வரை சாலையின் இருபுறங்களில் கட்சிக் கொடிகள் கட்டப்பட்டு வரவேற்பு அளிக்கப்பட்டது. மேலும் வழி முழுவதும் கட்சியினா் வரவேற்பு அளித்தனா்.