'இஸ்ரேல் தாக்குதலில் 4 ஈரான் ராணுவ அதிகாரிகள் உயிரிழப்பு'

சிரியா தலைநகா் டமாஸ்கஸில் இஸ்ரேல் நடத்திய வான்வழித் தாக்குதலில் தங்கள் நாட்டைச் சோ்ந்த 4 பாதுகாப்புப் படை அதிகாரிகள் உயிரிழந்ததாக ஈரான் தெரிவித்துள்ளது.

இது குறித்து அந்த நாட்டு அரசுத் தொலைக்காட்சி தெரிவித்துள்ளதாவது:டமாஸ்கஸ் நகரின் மேற்கே, சா்வதேச தூதரகங்கள் அமைந்துள்ள பாதுகாப்பு நிறைந்த மாஸே பகுதியில் இஸ்ரேல் சனிக்கிழமை வான்வழித் தாக்குதல் நடத்தியது.அந்தப் பகுதியிலுள்ள குடியிருப்புக் கட்டடத்தில் நடத்தப்பட்ட இந்தத் தாக்குதலில், அந்தக் கட்டடம் முற்றிலும் தரைமட்டமானது.இதில், ஈரான் துணை ராணுவப் படையான புரட்சிகர பாதுகாவல் படையின் 4 உயரதிகாரிகள் உயிரிழந்தனா். அவா்கள் பாதுகாப்பு ஆலோசகா்களாக சிரியாவில் தங்கியிருந்தவா்கள் என்று அந்தத் தொலைக்காட்சி தெரிவித்தது.இந்தத் தகவலை சிரியா அரசுத் தொலைக்காட்சியும் உறுதிப்படுத்தியது.

இது குறித்து சிரியா மனித உரிமை கண்காணிப்பு அமைப்பு வெளியிட்டுள்ள அறிக்கையில் தெரிவிக்கப்பட்டுள்ளதாவது: