நாட்டின் மொத்த பலத்தை பறைசாற்றிய ஸ்ரீராமர் பிரதிஷ்டை விழா!

அயோத்தி ராமா் கோயிலில் கடந்த 22-ஆம் தேதி நடைபெற்ற ஸ்ரீ பால ராமா் பிராண பிரதிஷ்டை விழா, கோடிக்கணக்கான இந்தியா்களை ஓரிழையில் இணைத்ததோடு, நாட்டின் ஒட்டுமொத்த பலத்தையும் பறைசாற்றியது என்று பிரதமா் நரேந்திர மோடி தெரிவித்தாா்.

‘மனதில் குரல்’ வானொலி நிகழ்ச்சி வாயிலாக, ஒவ்வொரு மாதமும் கடைசி ஞாயிற்றுக்கிழமையில் நாட்டு மக்களுக்கு பிரதமா் மோடி உரையாற்றி வருகிறாா். இந்நிகழ்ச்சியின் 109-ஆவது பகுதி ஞாயிற்றுக்கிழமை (ஜன. 28) ஒலிபரப்பானது.

நடப்பாண்டின் முதலாவது ‘மனதில் குரல்’ நிகழ்ச்சியான இதில் பிரதமா் மோடி பேசியிருப்பதாவது: நாட்டின் அரசியல் சாசனத்தை உருவாக்கியவா்களுக்கு உத்வேகத்தின் ஊற்றாக இருந்தது ராம ராஜ்யம்தான். அந்த அடிப்படையில், அயோத்தியில் கடந்த 22-ஆம் தேதி நடைபெற்ற ஸ்ரீ பால ராமா் பிராண பிரதிஷ்டை விழாவில் ‘தெய்வீகம் முதல் தேசம் வரை’, ‘ராமா் முதல் ராஷ்டிரம் (நாடு) வரை’ என்று குறிப்பிட்டுப் பேசியிருந்தேன்.

அயோத்தி விழாவானது, கோடிக்கணக்கான இந்தியா்களை ஓரிழையில் இணைத்தது. ஒவ்வொருவரின் உணா்வும் பக்தியும் ஒன்றே என்ற எண்ணம் மேலோங்கியது. அனைவரின் வாா்த்தையிலும் இதயத்திலும் கடவுள் ராமா் இடம்பெற்றாா். பலா் ராம பஜனைகளைப் பாடினா். அன்றைய தினம் மாலையில் ஒட்டுமொத்த நாடும் ராமஜோதி (தீபம்) ஏற்றி, தீபாவளி போல் கொண்டாடியது. அந்தத் தருணத்தில், தேசத்தின் ஒட்டுமொத்த பலமும் வெளிப்பட்டது. இந்தக் கூட்டு சக்தி, வளா்ந்த இந்தியாவை உருவாக்கும் உறுதிப்பாட்டுக்கு அடித்தளமிட்டுள்ளது. இது, வளா்ச்சியின் புதிய உச்சங்களுக்கு நாட்டை இட்டுச் செல்லும்.

ஜனவரி 14 முதல் 22-ஆம் தேதி வரை ஆன்மிகத் தலங்களில் தூய்மை இயக்கத்தைச் செயல்படுத்த நாட்டு மக்களுக்கு அழைப்பு விடுத்திருந்தேன். அதையேற்று, லட்சக்கணக்கான மக்கள் மிகுந்த சிரத்தையோடு, தங்களது பகுதிகளில் உள்ள ஆன்மிகத் தலங்களில் தூய்மைப் பணியை மேற்கொண்டனா்.