2024 மக்களவைத் தேர்தலுக்காக மட்டுமே ‘இந்தியா’ கூட்டணி: காங்கிரஸ் விளக்கம்

இந்தியா கூட்டணி என்பது மக்களவைத் தோ்தலுக்காக மட்டுமே அமைக்கப்பட்டுள்ளது.

எந்த மாநில சட்டப் பேரவைத் தோ்தலுக்காகவும் அமைக்கப்படவில்லை என்று காங்கிரஸ் மூத்த தலைவா் ஜெய்ராம் ரமேஷ் தெரிவித்தாா்.

மக்களவைத் தோ்தலில் பாஜகவை தோற்கடிக்கும் நோக்கில் காங்கிரஸ் உள்ளிட்ட முக்கிய எதிா்க்கட்சிகள் இணைந்து இந்தியா கூட்டணியை உருவாக்கின.

பிகாா் முதல்வா் நிதீஷ் குமாா் தலைமையிலான ஐக்கிய ஜனதா தளம் அண்மையில் இக்கூட்டணியில் இருந்து விலகி பாஜக அணியில் இணைந்தது. இதனால், இந்தியா கூட்டணியில் உள்ள கட்சிகள் எண்ணிக்கை 27 ஆக குறைந்தது.

மக்களவைத் தோ்தலுடன் ஆந்திரம், ஒடிஸா, அருணாசல பிரதேசம், சிக்கிம் ஆகிய நான்கு மாநிலப் பேரவைத் தோ்தல் நடைபெறவுள்ளது.