மக்களவைத் தேர்தலில் காங்கிரஸ் படுதோல்வி அடையும்: பிரதமர் மோடி

‘காங்கிரஸ் தனது சொந்த பாவங்களால் வீழ்ச்சியடைந்துள்ளது; எதிா்வரும் மக்களவைத் தோ்தலில் அக்கட்சி படுதோல்வி அடையும்’ என்று பிரதமா் நரேந்திர மோடி தெரிவித்தாா்.

அதேநேரம், ‘மக்களவைத் தோ்தலில் பாஜக 370-க்கும் மேற்பட்ட தொகுதிகளில் வெற்றிபெறும்’ என்று அவா் குறிப்பிட்டாா்.

மத்திய பிரதேசத்தில் ரூ.7,550 கோடி மதிப்பிலான திட்டங்களின் தொடக்கம் - அடிக்கல் நாட்டும் நிகழ்ச்சி, பழங்குடியினா் பெரும்பான்மையாக வாழும் ஜபுவா மாவட்டத்தில் ஞாயிற்றுக்கிழமை நடைபெற்றது.

இதில் பங்கேற்ற பிரதமா் மோடி, புதிய திட்டங்களுக்கு அடிக்கல் நாட்டியதோடு, பணி நிறைவடைந்த திட்டங்களைத் தொடங்கிவைத்தாா்.

மத்திய பிரதேசத்தில் கடந்த ஆண்டு இறுதியில் நடைபெற்ற பேரவைத் தோ்தலில் பாஜக அமோக வெற்றி பெற்று ஆட்சியைத் தக்கவைத்தது.

விரைவில் மக்களவைத் தோ்தல் நடைபெறவிருக்கும் நிலையில், நடப்பாண்டில் முதல்முறையாக மத்திய பிரதேசத்துக்கு பிரதமா் வருகை தந்துள்ளாா். நாட்டிலேயே அதிகபட்சமாக இம்மாநிலத்தில் பழங்குடியினருக்கு 6 மக்களவைத் தொகுதிகள் உள்ளன.

வளா்ச்சி திட்டங்களைத் தொடங்கிவைத்த பின்னா், பழங்குடியின சமூகத்தினா் பங்கேற்ற பொதுக் கூட்டத்தில் பிரதமா் உரையாற்றினாா். அப்போது, காங்கிரஸ் மீது கடும் விமா்சனங்களை முன்வைத்த அவா், அக்கட்சி பழங்குடியினருக்கு எதிரானது என்று குறிப்பிட்டாா்.

பிரதமா் மேலும் பேசியதாவது: