வீட்டுவசதி வாரிய முறைகேடு வழக்கில் அமைச்சர் ஐ.பெரியசாமி விடுவிப்பு ரத்து- சென்னை உயர்நீதிமன்றம் உத்தரவு

வீட்டுவசதி வாரிய மனை ஒதுக்கீடு முறைகேடு வழக்கிலிருந்து அமைச்சா் ஐ. பெரியசாமியை விடுவித்ததை ரத்து செய்து சென்னை உயா்நீதிமன்றம் உத்தரவிட்டது.

இந்த வழக்கை சென்னையில் உள்ள எம்.பி., எம்எம்எல்-க்கள் மீதான வழக்குகளை விசாரிக்கும் சிறப்பு நீதிமன்றம் வரும் ஜூலை 31-க்குள் மீண்டும் விசாரித்து முடிக்க வேண்டும் என்ற உயா்நீதிமன்ற நீதிபதி ஆனந்த் வெங்கடேஷ் உத்தரவிட்டாா்.

தமிழகத்தில் கடந்த 2008-ஆம் ஆண்டில் திமுக ஆட்சியில் தமிழ்நாடு வீட்டுவசதித் துறை அமைச்சராக இருந்த ஐ.பெரியசாமி, தனது அதிகாரத்தைத் தவறாகப் பயன்படுத்தி வீட்டு வசதி வாரியத்துக்குச் சொந்தமான வீட்டுமனைகளை தனது உறவினா்களுக்கும், மறைந்த முன்னாள் முதல்வா் கருணாநிதியின் பாதுகாவலராக இருந்த கணேசன் என்பவருக்கும் ஒதுக்கீடு செய்து முறைகேட்டில் ஈடுபட்டதாகப் புகாா் கூறப்பட்டது.

புகாா் தொடா்பாக ஐ.பெரியசாமி மீது கடந்த 2012-ஆம் ஆண்டில் அதிமுக ஆட்சியின்போது ஊழல் தடுப்புப் பிரிவினா் வழக்குப் பதிவு செய்து விசாரணை மேற்கொண்டனா்.

இந்நிலையில், அரசியல் பழிவாங்கும் நோக்கில் தொடரப்பட்டுள்ள முறைகேடு வழக்கிலிருந்து தன்னை விடுவிக்கக் கோரி ஐ.பெரியசாமி சாா்பில் சென்னையில் செயல்பட்டு வரும் எம்.பி. மற்றும் எம்எல்ஏ-க்கள் மீதான ஊழல் முறைகேடு புகாா் வழக்குகளை விசாரிக்கும் சிறப்பு நீதிமன்றத்தில் மனு தாக்கல் செய்யப்பட்டது. இந்த வழக்கிலிருந்து அமைச்சா் ஐ.பெரியசாமியை விடுவித்து கடந்த 2023-ஆம் ஆண்டு மாா்ச் மாதம் சிறப்பு நீதிமன்றம் உத்தரவிட்டது.