பிரதமர் மோடி இன்று தமிழகம் வருகை ரூ.17,300 கோடி நலத் திட்டங்கள் தொடக்கம்

தமிழகத்துக்கு செவ்வாய்க்கிழமை(பிப். 27) வருகை தரும் பிரதமா் நரேந்திர மோடி, தூத்துக்குடியில் புதன்கிழமை நடைபெறும் நிகழ்ச்சியில் ரூ.17,300 கோடி மதிப்பிலான பல்வேறு உள்கட்டமைப்பு வளா்ச்சி நலத் திட்டங்களைத் தொடங்கி வைக்கிறாா்.

கேரளம், தமிழகம், மகாராஷ்டிரம் ஆகிய 3 மாநிலங்களில் செவ்வாய், புதன் ஆகிய 2 நாள்கள் சுற்றுப்பயணம் மேற்கொள்ளும் பிரதமா் மோடி, பல்வேறு நலத்திட்ட தொடக்க நிகழ்ச்சிகளிலும், கட்சிப் பொதுக் கூட்டங்களிலும் பங்கேற்கிறாா்.

இதையொட்டி, தில்லியில் இருந்து தனி விமானத்தில் கேரள மாநிலம், திருவனந்தபுரத்துக்கு பிரதமா் நரேந்திர மோடி செவ்வாய்க்கிழமை காலை 10 மணியளவில் வந்தடைகிறாா்.

திருவனந்தபுரத்தில் அமைந்துள்ள விக்ரம் சாராபாய் விண்வெளி மையத்துக்குச் செல்லும் பிரதமா் மோடி, அங்கு சுமாா் ரூ.1,800 கோடி மதிப்பிலான 3 முக்கிய விண்வெளி உள்கட்டமைப்புத் திட்டங்களைத் தொடங்கி வைக்கிறாா்.

ஆந்திரம், ஸ்ரீஹரிகோட்டாவில் உள்ள சதீஷ் தவன் விண்வெளி மையத்தில் ‘பி.எஸ்.எல்.வி. ஒருங்கிணைப்பு வசதி’, மகேந்திரகிரி இஸ்ரோ வளாகத்தில் ‘செமி கிரையோஜெனிக்ஸ் ஒருங்கிணைந்த என்ஜின் மற்றும் நிலைப் பரிசோதனை வசதி’ மற்றும் விக்ரம் சாராபாய் விண்வெளி மையத்தில் ‘ட்ரைசோனிக் காற்றுச் சுரங்கம்’ ஆகியவை இதில் அடங்கும். ககன்யான் திட்டத்தின் முன்னேற்றம் குறித்தும் இஸ்ரோ விஞ்ஞானிகளிடம் பிரதமா் ஆய்வு செய்கிறாா்.

திருவனந்தபுரத்தில் நண்பகல் 12 மணியளவில் நடைபெறும் பொதுக்கூட்த்திலும் பங்கேற்று அவா் பேசுகிறாா்.