மொத்தம் 22,217 தேர்தல் நன்கொடை பத்திரங்கள் விநியோகம்

உச்சநீதிமன்றத்தில் எஸ்பிஐ தகவல்

'2019 ஏப்ரல் 1ஆம் தேதிமுதல் 2024 பிப்ரவரி 15ஆம் தேதி வரை மொத்தம் 22,217 தேர்தல் நன்கொடை பத்திரங்கள் விநியோகிக்கப்பட்டுள்ளன. அவற்றில் 22,030 பத்திரங்கள் பணமாக மாற்றப்பட்டிருக்கின்றன' என்று உச்சநீதிமன்றத்தில் பாரத ஸ்டேட் வங்கி (எஸ்பிஐ) புதன்கிழமை தகவல் தெரிவித்தது.

உச்சநீதிமன்ற உத்தரவுக்கு கட்டுப்பட்டு, தேர்தல் நன்கொடை பத்திரங்கள் விநியோகம் தொடர்பான விவரங்களை தேர்தல் ஆணையத்திடம் எஸ்பிஐ செவ்வாய்க்கிழமை மாலை சமர்ப்பித்த நிலையில், உத்தரவுக்கு உடன்பட்டதைத் தெரிவிக்கும் வகையில் எஸ்பிஐ தலைவர் தினேஷ் குமார் கெரா சார்பில் உச்சநீதிமன்றத்தில் புதன்கிழமை பதில் மனு தாக்கல் செய்யப்பட்டது.

அதில் கூறியிருப்பதாவது: நீதிமன்ற உத்தரவுப்படி, தேர்தல் நன்கொடை பத்திரங்கள் விநியோகம் தொடர்பாக எஸ்பிஐயிடம் உள்ள அனைத்து விவரங்களும் தேர்தல் ஆணையத்திடம் செவ்வாய்க்கிழமை மாலை சமர்ப் பிக்கப்பட்டுவிட்டன. தேர்தல் நன்கொடை பத்திரங்கள் விநியோகிக்கப்பட்ட தேதி, வாங்கியோரின் பெயர்கள், பத்திரத்தின் தொகை, தேர்தல் நன்கொடை பத்திரங்களைப் பெற்ற அரசியல் கட்சிகளின் பெயர்கள், அவற்றின் மதிப்பு உள்ளிட்ட விவரங்கள் தேர்தல் ஆணையத்திடம் சமர்ப்பிக்கப்பட்டுள்ளன.

2019 ஏப்ரல் 1-ஆம் தேதிமுதல் கடந்த பிப்ரவரி 15-ஆம் தேதி வரை 22,217 தேர்தல் நன்கொடை பத்திரங்கள்ளன.