புதிய தேர்தல் ஆணையர்கள் நியமனம்

புதிய தேர்தல் ஆணையர்களாக முன்னாள் ஐஏ எஸ் அதிகாரிகளான சுக்பீர் சிங் சாந்து, ஞானேஷ் குமார் ஆகியோர் வியாழக்கிழமை நியமனம் செய்யப்பட்டனர். இதற்கான அறிவிப்பை மத்திய சட்ட அமைச்சகம் வெளியிட்டது.

அதிகாரபூர்வ அறிவிப்பு 

 

முன்னதாக, தில்லியில் பிரதமர் நரேந்திர மோடி தலைமையில் வியாழக்கிழமை நடைபெற்ற தேர்வுக் குழு கூட்டத்தில் இவர்களின் பெயர்கள் இறுதி செய்யப்பட்டு பரிந்துரை செய்யப்பட்டது.

தேர்வுக் குழு உறுப்பினர்களான உள்துறை மத்திய அமைச்சர் அமித் ஷா, மக்களவை காங்கிரஸ் தலைவர் அதீர் ரஞ்சன் சௌதரி ஆகியோர் கூட்டத்தில் பங்கேற்றனர்.

புதிய தேர்தல் ஆணையராக நியமிக்கப்பட்டுள்ள ஞானேஷ் குமார், கேரள பிரிவைச் சேர்ந்த ஐஏஎஸ் அதிகாரி. மத்திய உள் துறை அமைச்சகத்தில் அதிகாரி யாக பணியாற்றியபோது, இவ ருடைய மேற்பார்வையில்தான் ஜம்மு-காஷ்மீருக்கு சிறப்பு அந்தஸ்து அளித்துவந்த அரசமைப்புச் சட்டப் பிரிவு 370-ஐ ரத்து செய்வதற்கான நடவடிக்கை மேற்கொள் ளப்பட்டது.

உத்தரகண்ட் மாநில முன்னாள் தலைமைச் செயலரான சுக்பீர் சிங் சாந்து, இந்திய தேசிய நெடுஞ் சாலைகள் ஆணைய (என்ஹெச் ஏஐ) தலைவராகவும், மத்திய அரசின் உயர்கல்வித் துறைச் செயலராகவும் பணியாற்றியுள்ளார். எம்.பி.பி.எஸ். பட்டதாரியான இவர் லோக்பால் அமைப்பின் செயலராக ஓராண்டு கால பணி அடிப்படையில் கடந்த மாதம் நியமனம் செய்யப்பட்டார்.

இவர்கள் இருவரும் 1988ஆம் ஆண்டு பிரிவு ஐஏஎஸ் அதிகாரிகளாவர்.