துணைநிலை ஆளுநர் பதவியில் மனசாட்சிப்படி செயல்பட்டேன்

தமிழிசை சௌந்தரராஜன்

புதுவை துணைநிலை ஆளுநர் பதவியில் மனசாட்சிப்படி செயல்பட்டுள்ளேன். மக்களுடனான எனது உறவு, அன்பு என்றும் தொடரும் என்று தமிழிசை சௌந்தரராஜன் கூறினார்.

புதுவை துணைநிலை ஆளுநராக பொறுப்பு வகித்து வந்த தமிழிசை சௌந்தரராஜன், மக்களவைத் தேர்தலில் போட்டியிடுவதற்காக தனது பதவியை திங்கள்கிழமை ராஜிநாமா செய்தார்.

அவரது ராஜிநாமா கடிதத்தை குடியரசுத் தலைவர் திரௌபதி முர்மு ஏற்றுக் கொண்டார்.

இந்நிலையில், புதுச்சேரி ஆளுநர் மாளிகையில் அவர் செவ்வாய்க்கிழமை செய்தியாளர்களிடம் கூறியதாவது: புதுவை மக்கள் மிகப்பெரிய அன்பை என்மீது செலுத்தினர். அதற்காக நன்றியையும், வணக்கத்தையும் தெரிவிக்கிறேன்.