2ஜி வழக்கில் சிபிஐ மேல்முறையீடு: தில்லி உயர்நீதிமன்றம் அனுமதி

2ஜி அலைக்கற்றை வழக்கில் திமுக எம்.பி.க்கள் ஆ.ராசா, கனிமொழி உள்ளிட்டோா் விடுவிக்கப்பட்டதற்கு எதிராக சிபிஐ மேல்முறையீடு செய்ய தில்லி உயா்நீதிமன்றம் வெள்ளிக்கிழமை அனுமதி அளித்தது.

மத்திய தொலைத்தொடா்புத் துறை அமைச்சராக ஆ.ராசா பதவி வகித்தபோது 2ஜி அலைக்கற்றை உரிமங்களை ஒதுக்கீடு செய்ததில் முறைகேடு நிகழ்ந்ததாகவும், இதனால் அரசுக் கருவூலத்துக்கு ரூ.1.76 லட்சம் கோடி இழப்பு ஏற்பட்டதாகவும் மத்திய கணக்குத் தணிக்கை குழு அறிக்கையில் குற்றஞ்சாட்டப்பட்டது.