கச்சத்தீவு மீட்கப்படும்: அண்ணாமலை உறுதி

பிரதமர் மோடி தலைமையில் மீண்டும் மத்தியில் ஆட்சி அமையும்போது கச்சத்தீவை மீட்கப்படும் என்று தமிழக பாஜக தலைவரும் அக்கட்சியின் கோவை தொகுதி வேட்பாளருமான கே.அண்ணாமலை கூறினார்.

பல்லடம் சட்டப்பேரவைத் தொகுதிக்கு உள்பட்ட பொங்கலூர் ஒன்றிய பகுதியில் பல்வேறு கிராமங்களில் ஞாயிற்றுக்கிழமை பிரசாரம் மேற்கொண்ட கோவை மக்களவைத் தொகுதி பா.ஜ.க. வேட்பாளர் கே.அண்ணாமலை பேசியதாவது:

பெரிய மாற்றத்துக்காக அனைவரும் தயாராகிக் கொண்டிருக்கிறோம். கோவை மக்களவைத் தொகுதியின் நீண்ட நாள் பிரச்னைகளுக்குத் தீர்வுகாண வேண்டும் என்ற எண்ணத்தில் களத்தில் நிற்கிறேன்.