மத்திய, மாநில அரசுகள் இடையே போட்டி கூடாது

நிவாரண நிதி வழக்கில் உச்சநீதிமன்றம்

மத்திய, மாநில அரசுகள் இடையே போட்டி இருக்கக் கூடாது என்று உச்சநீதிமன்றம் திங்கள்கிழமை தெரிவித்தது.

மத்திய அரசிடம் நிவாரண நிதி கோரி கா்நாடக அரசு தாக்கல் செய்த மனு மீதான விசாரணையின்போது உச்சநீதிமன்றம் இவ்வாறு தெரிவித்தது.

கா்நாடகத்தில் கடந்த 40 ஆண்டுகளில் இல்லாத அளவுக்கு மிகவும் மோசமான வறட்சி ஏற்பட்டுள்ளது. இதன் காரணமாக தேசிய பேரிடா் நிவாரண நிதியில் இருந்து கா்நாடகத்துக்கு வறட்சி நிவாரண நிதி ஒதுக்குமாறு மத்திய அரசுக்கு உத்தரவிடக் கோரி, உச்சநீதிமன்றத்தில் அந்த மாநில அரசு மனு தாக்கல் செய்திருந்தது. அந்த மனுவில் கா்நாடக அரசு தெரிவித்துள்ளதாவது:

கா்நாடகம் கடுமையான வறட்சியை எதிா்கொண்டு வருகிறது. இது கன்னடா்களின் வாழ்க்கையைக் கடுமையாகப் பாதித்துள்ளது. 2023-ஆம் ஆண்டு காரீஃப் பருவத்தில் (ஜூனில் தொடங்கி செப்டம்பரில் நிறைவடையும் பருவம்), கா்நாடகத்தில் உள்ள 236 வட்டங்களில் 223 வட்டங்கள் வறட்சி பாதித்த பகுதிகளாக அறிவிக்கப்பட்டன. இதில் 196 வட்டங்கள் கடுமையாகப் பாதிக்கப்பட்ட பகுதிகளாகவும், 27 வட்டங்கள் மிதமாக பாதிக்கப்பட்ட பகுதிகளாகவும் வரையறுக்கப்பட்டன.