'ரஷியாவுக்குள் தாக்குதல் நடத்த பிரிட்டன் ஆயுதங்களைப் பயன்படுத்தலாம்'

ரஷிய எல்லைக்குள் தாக்குதல் நடத்த தங்களது ஆயுதங்களை உக்ரைன் பயன்படுத்தலாம் என்று பிரிட்டன் வெளியுறவுத் துறை அமைச்சா் டேவிட் கேமரூன் தெரிவித்துள்ளாா்.

 

பிரிட்டன் பிரதமராகவும் பொறுப்பு வகித்துள்ள அவா், உக்ரைனில் வியாழக்கிழமை சுற்றுப்பயணம் மேற்கொண்டு அந்த நாட்டு அதிபா் வொலோதிமீா் ஸெலென்ஸ்கியைச் சந்தித்து பேச்சுவாா்த்தை நடத்தினாா். பின்னா் அவா் செய்தியாளா்களிடம் கூறியதாவது: இந்தப் போரில்

உக்ரைனுக்கு உதவியளிக்கும் வகையில் அந்த நாட்டுக்கு ஆண்டுதோறும் 3,000 கோடி பவுண்ட் (சுமாா் ரூ.3.14 லட்சம் கோடி) மதிப்பிலான உதவி அளிக்க பிரிட்டன் முடிவு செய்துள்ளது.

இந்தப் போரில் உக்ரைனுக்கு நாங்கள் அளிக்கும் ஆயுதங்களை எவ்வாறு பயன்படுத்துவது என்பதை உக்ரைன்தான் முடிவெடுக்க வேண்டும்.