ரேபரேலியிலும் ராகுல் போட்டி

உத்தர பிரதேச மாநிலம் ரேபரேலி தொகு தியில் போட்டியிட காங்கிரஸ் எம்.பி. ராகுல் காந்தி வெள்ளிக்கிழமை வேட்புமனு தாக்கல் செய்தார்.

அதுபோல, அமேதி தொகுதியில், நேரு குடும்பத்துக்கு மிகவும் நெருக்கமான கிஷோரி லால் சர்மா வேட்புமனு தாக்கல் செய்தார்.

நீண்ட இழுபறிக்குப் பின்னர், வேட்புமனு தாக்கலின் நாளான வெள்ளிக்கிழமையன்று காலையில் இந்தத் தொகுதிகளுக்கான வேட்பாளர்களை காங்கிரஸ் கட்சி அறிவித்தது.

கடைசி உத்தர பிரதேச மாநிலத்தில் இது வரை அமேதிதொகுதியில்போட்டி யிட்டுவந்த ராகுல் காந்தி, தனது பாட்டியும் மறைந்த முன்னாள் பிரதமருமான இந்திரா காந்தி, அவருடைய கணவர் ஃபெரோஸ் காந்தி, தாய் சோனியா காந்தி ஆகியோர் தொடர்ந்து போட்டியிட்டு வெற்றிபெற்றுவந்த ரேபரேலி தொகுதியில் முதல் முறையாக களம் காண்கிறார்.

ஏற்கெனவே, மக்களவைத் தேர்தலின் இரண்டாம் கட்டத்தில் கேரள மாநிலம் வயநாடு தொகுதியில் களம் கண்ட ராகுல், தற்போது இரண்டாவது தொகுதியாக ரேப ரேலியிலும் போட்டியிடுகிறார்.

இந்தத்தொகுதியில்ராகுல் வெள்ளிக்கிழமை காலை வேட்புமனு தாக்கல் செய்தபோது சோனியா காந்தி, சகோதரி பிரியங்கா காந்தி, அவரின் கணவர் ராபர்ட் வதேரா, காங்கிரஸ் தேசியத் தலைவர் மல்லி கார்ஜுன கார்கே ஆகியோர் உடனிருந்தனர்.