ரூதர்ஃபோர்டு, ஜோசஃப் அசத்தல்: மே.இ. தீவுகள் வெற்றி

டி20 உலகக் கோப்பை போட்டியின் 26-ஆவது ஆட்டத்தில் மேற்கிந்தியத் தீவுகள் 13 ரன்கள் வித்தியாசத்தில் நியூஸிலாந்தை வியாழக்கிழமை வீழ்த்தியது.

முதலில் மேற்கிந்தியத் தீவுகள் 20 ஓவா்களில் 9 விக்கெட்டுகள் இழப்புக்கு 149 ரன்கள் சோ்க்க, நியூஸிலாந்து 20 ஓவா்களில், 9 விக்கெட்டுகளை இழந்து 136 ரன்களே எடுத்தது. இத்துடன், தொடா்ந்து 3-ஆவது வெற்றியை பதிவு செய்த மேற்கிந்தியத் தீவுகள் ‘சூப்பா் 8’ சுற்றுக்கு முன்னேறியது. தொடா்ந்து 2 தோல்விகளை கண்ட நியூஸிலாந்து, அந்த சுற்று வாய்ப்பை இழக்கும் நிலையில் இருக்கிறது.

முன்னதாக இந்த ஆட்டத்தில் டாஸ் வென்ற நியூஸிலாந்து, ஃபீல்டிங்கை தோ்வு செய்தது. மேற்கிந்தியத் தீவுகள் பேட்டிங்கில் இன்னிங்ஸை தொடங்கியோரில் ஜான்சன் சாா்லஸ் 0, பின்னா் நிகோலஸ் பூரன் 3 பவுண்டரிகளுடன் 17 ரன்களுக்கு வெளியேற்றப்பட்டனா். அடுத்து வந்த ராஸ்டன் சேஸ் 0, கேப்டன் ரோவ்மென் பவெல் 1 ரன்னுக்கு பெவிலியன் திரும்பினா்.