திமுகவின் வெற்றிப் பயணம் தொடரும்

கோவை முப்பெரும் விழாவில் ஸ்டாலின்

'தமிழ்நாட்டில் எப்போதும் திராவிட மாடல் ஆட்சிதான் என்ற வகையில் திமுகவின் வெற்றிப் பயணம் தொடரும் என்றார் முதல்வரும் தலைவருமானமு.க.ஸ்டாலின்.

முன்னாள் முதல்வர் கருணாநிதியின் நூற்றாண்டு நிறைவு விழா, மக்களவைத் தேர்தலில் 40 தொகுதிகளிலும் வெற்றி வாய்ப்பளித்த மக்களுக்கு நன்றி தெரிவிக்கும் விழா, வெற்றிக்கு வழிவகுத்த முதல்வர் மு.க.ஸ்டாலினுக்கு பாராட்டு விழா ஆகிய முப்பெரும் விழா கோவை, கொடி சியா மைதானத்தில் சனிக்கிழமை நடைபெற்றது.

விழாவில் முதல்வர் ஸ்டாலின் பேசியதாவது: கோவையில் கடந்த முறை நான் கலந்துகொண்ட கூட்டம் இந்தியா முழுவதும்பேசுபொருளானது. அதற்குக் காரணம், எட்டு முறை தமிழ்நாட்டுக்கு வந்து பிரதமர் கட்டமைத்த பிம்பத்தை காங் கிரஸ் தலைவர் ராகுல் காந்தி ஒரே ஒரு இனிப்புப் பெட்டி கொடுத்து முடித்து வைத்துவிட்டார். அன்றைக்கு அவர் வழங்கிய இனிப்பு நமது எதிர்க்கட்சியினரின் கணிப்புகளைப் பொய்யாக்கியது.

41-ஆவது வெற்றி: மக்களவைத்தேர் தல் வெற்றி சாதாரணமானது அல்ல, வரலாற்றுச் சிறப்புமிக்கது. 2004-ஆம் ஆண்டு மக்களவைத் தேர்தலில் 40-க்கு 40வெற்றியை தலைவர் கருணாநிதி பெற்றுத்தந்தார்.

அப்போது ஆளுங்கட்சி அதிமுக. அந் தத் தேர்தல் தோல்விக்கான காரணத்தை உணர்ந்து, முதல்வராக இருந்த ஜெயலலிதா மக்கள் விரோத நடவடிக்கைகளில் இருந்து பின்வாங்கினார். உடனே செய்தியாளர்கள் கருணாநிதியிடம் அதைப் பற்றிக் கேட்டார்கள். அவர், இது எங்களுடைய 41-ஆவது வெற்றி என்றார்.

நடைபெற்று முடிந்த மக்களவைத் தேர்தலில் பாஜக 400 இடங்கள் வரை கைப்பற்றும் என்று சொன்னார்கள்.