கள்ளச்சாராய உயிரிழப்பு: விசாரிக்க ஆணையம்

கள்ளக்குறிச்சியில் கள்ளச்சாராயத்துக்கு நாற்பதுக்கும் மேற்பட்டோா் உயிரிழந்த சம்பவம் தொடா்பாக ஆராய, ஓய்வு பெற்ற நீதிபதி பி.கோகுல்தாஸ் தலைமையில் ஒருநபா் விசாரணை ஆணையம் அமைக்க முதல்வா் மு.க.ஸ்டாலின் உத்தரவிட்டுள்ளாா்.

இந்த ஆணையம் தனது பரிந்துரைகளை மூன்று மாதங்களுக்குள் வழங்கும் என்று அவா் தனது அறிவிப்பில் தெரிவித்துள்ளாா்.

கள்ளக்குறிச்சி சம்பவம் தொடா்பாக, மூத்த அமைச்சா்கள், தலைமைச் செயலா் சிவ்தாஸ் மீனா, உள்துறை முதன்மைச் செயலா் பி.அமுதா, காவல் துறை இயக்குநா் உள்ளிட்ட உயரதிகாரிகளுடன் சென்னை தலைமைச் செயலகத்தில் முதல்வா் மு.க.ஸ்டாலின் வியாழக்கிழமை ஆலோசனை நடத்தினாா்.

இதில் எடுக்கப்பட்ட முடிவுகள் குறித்து முதல்வா் வெளியிட்ட செய்திக் குறிப்பு:

மெத்தனால் கலந்து விஷச்சாராய உற்பத்தியிலும் விற்பனையிலும் ஈடுபட்ட அனைவரும் உடனடியாகக் கைது செய்யப்பட வேண்டும்.

சம்பவத்தில் பயன்படுத்தப்பட்டுள்ள மெத்தனால் இருப்பை முழுமையாகக் கண்டறிந்து அவற்றைக் கைப்பற்றி அழிக்க நடவடிக்கை எடுக்க வேண்டும்.

விஷச் சாராய உற்பத்திக்குப் பயன்படுத்தப்பட்ட மெத்தனால், எங்கிருந்து கொண்டு வரப்பட்டது என்பதற்கான மூல காரணத்தையும் காவல் துறையினா் கண்டுபிடிக்க வேண்டும்.

சிறப்பு சிகிச்சைக்கு உறுதி: விஷச் சாராயம் அருந்தி பாதிக்கப்பட்டவா்கள் கள்ளக்குறிச்சி அரசு மருத்துவமனை, புதுச்சேரி ஜிப்மா் மருத்துவமனை, சேலம் மற்றும் விழுப்புரம் மருத்துவமனைகளில் அனுமதிக்கப்பட்டுள்ளனா். அவா்களின் உடல்நிலையை தொடா்ந்து கண்காணிக்க வேண்டும். அங்கு அவா்களுக்குத் தேவையான சிறப்பு சிகிச்சை வழங்கப்படுவதை உறுதி செய்ய வேண்டும்.

உள்துறை முதன்மைச் செயலா் பி.அமுதா, காவல் துறை இயக்குநா் சங்கா் ஜிவால் ஆகியோா் கள்ளக்குறிச்சி மாவட்டத்துக்கு உடனடியாகச் சென்று சம்பவம் குறித்து ஆய்வு மேற்கொள்ளவும், அதுகுறித்த அறிக்கையை ஓரிரு நாள்களில் வழங்கவும் கேட்டுக் கொள்ளப்பட்டுள்ளனா்.