மக்களவைத் தலைவரானார் ஓம் பிர்லா

பதினெட்டாவது மக்களவையின் தலைவராக பாஜக தலைமையிலான தேசிய ஜனநாயக கூட்டணி (என்டிஏ) சார்பில் நிறுத்தப்பட்ட ஓம் பிர்லா (62) தொடர்ந்து இரண்டாவது முறையாகத் தேர்ந்தெடுக்கப்பட்டார்.

மக்களவையில் புதன்கிழமை காலை நடத்தப்பட்ட குரல் வாக்கெ டுப்பைத் தொடர்ந்து, மக்களவைத் தலைவராக ஓம் பிர்லா தேர்ந்தெடுக்கப்பட்டதாக மக்களவை இடைக்காலத் தலைவர் பர்த்ருஹரி மகதாப் அறிவித்தார்.

இதன்மூலம், சுதந்திரத்துக்குப் பிறகு 4-ஆவது முறையாக தேர்தல் மூலம் மக்களவைத் தலைவர் தேர்ந் தெடுக்கப்பட்டுள்ளார்.

மக்களவைத் தலைவரை வழக் கம்போல ஒருமனதாகத் தேர்ந்தெ டுக்கும் வகையில், எதிர்க்கட்சிக ளின் 'இந்தியா' கூட்டணித் தலைவர்களுடன் பாஜக மூத்த அமைச்சர்கள் செவ்வாய்க்கிழமை மேற் கொண்ட ஆலோசனையில் உடன் பாடு எட்டப்படாத நிலையில், மக்களவைத் தலைவர் பதவிக்கு தேர்தல் நடத்துவது அவசியமானது.

என்டிஏ கூட்டணி தரப்பில் மூன்று முறை எம்.பி.யாக தேர்வாகியுள்ள ஓம் பிர்லாவும், 'இந்தியா' கூட்டணி தரப்பில் எட்டு முறை எம்.பி.யாக தேர்வாகியுள்ள காங்கிரஸை சேர்ந்த கொடிக்குன்னில் சுரேஷும் வேட்பாளர்களாக நிறுத்தப்பட்டனர்.

இந்த நிலையில், மக்களவைத் தலைவர் பதவிக்கு ஓம் பிர்லா பெயரை பிரதமர் நரேந்திர மோடி புதன்கிழமை அவையில் முன்மொ ழிந்தார். அதை பாதுகாப்புத் துறை அமைச்சர் ராஜ்நாத் சிங் வழிமொழிந்தார். தொடர்ந்து என்டிஏ கூட்ட ணிக் கட்சிகளான ஐக்கிய ஜனதா தளம் கட்சி உறுப்பினர் ராஜீவ் ரஞ்சன் சிங், ஹிந்துஸ்தானி அவாம் மோர்ச்சா (மதச்சார்பற்ற) கட்சி உறுப்பினர் ஜிதன் ராம் மாஞ்சி, சிவசேனை உறுப்பினர் பிரதாப்ராவ் ஜாதவ்,லோக்ஜனசக்தி(ராம்விலாஸ் பாஸ்வான்) கட்சி உறுப்பினர் சிராக் பாஸ்வான் ஆகியோரும் ஓம் பிர்லா வின் பெயரை வழிமொழிந்தனர்.

எதிர்க்கட்சிகளின் ‘இந்தியா’ கூட்டணிதரப்பில்காங்கிரஸ்எம்.பி. கொடிக்குன்னில் சுரேஷ் பெயரை சிவசேனை (உத்தவ் தாக்கரே) கட்சி உறுப்பினர் அரவிந்த் சவந்த் முன் மொழிந்தார். திமுக உறுப்பினர் கனி மொழி உள்ளிட்ட பிற எதிர்க்கட்சி எம்.பி.க்கள் வழிமொழிந்தனர்.