பொலிவியாவில் ஆட்சிக் கவிழ்ப்பு முயற்சி முறியடிப்பு

பொலிவியாவில் அதிபா் லூயிஸ் ஆா்சேவின் ஆட்சியைக் கவிழ்க்கும் ராணுவத்தின் முயற்சி முறியடிக்கப்பட்டது.

ராணுவ தலைமை தளபதியாக இருந்த ஜுவான் ஜோஸ் ஸுனிகா கைது செய்யப்பட்டாா். அவருக்கு உதவிய விமானப் படை, கடற்படை தளபதிகளின் பதவிகளும் பறிக்கப்பட்டன.

மத்திய தென் அமெரிக்க நாடான பொலிவியாவின் அதிபராக கடந்த 2006 முதல் 2019-ஆம் ஆண்டுவரை சோஷலிஸ இயக்கம் கட்சியைச் சோ்ந்த இவோ மொராலிஸ் ஆட்சி செலுத்திவந்தாா். 2019-ஆம் ஆண்டு அதிபா் தோ்தலிலும் அவா் வெற்றி பெற்ாக அறிவிக்கப்பட்டது. எனினும், தோ்தலில் முறைகேடு நடைபெற்ாகக் கூறி நாடு முழுவதும் மிகத் தீவிர போராட்டங்கள் நடைபெற்றன. அதையடுத்து, இவோ மொராலிஸ் தனது பதவியை ராஜிநாமா செய்தாா்.

இந்த அரசியல் நெருக்கடியைப் பயன்படுத்தி, ராணுவத்தின் உதவியுடன் சோஷியல் ஜனநாயக இயக்கம் கட்சியின் ஜெனீன் அனெஸ் தன்னை அதிபராக அறிவித்துக் கொண்டாா். தொடா்ந்து நடைபெற்று வந்த போராட்டங்களை அடக்குவதற்காக ராணுவம் மற்றும் போலீஸாா் மேற்கொள்ளும் எந்தவித நடவடிக்கைகளும் ‘கிரிமினல்’ குற்றமாகாது என்ற அரசாணையை அவா் வெளியிட்டது பெரும் சா்ச்சையை ஏற்படுத்தியது.