மின்சார பேருந்து பராமரிப்பு: போக்குவரத்து அதிகாரிகளுக்கு பயிற்சி

மின்சார பேருந்துகளை இயக்குவது, பராமரிப்பது குறித்து தமிழ்நாடு அரசு போக்குவரத்து அதிகாரிகளுக்கு இந்திய தர நிா்ணய அமைவனம் (பிஐஎஸ்) சாா்பில் கருத்தரங்கு செவ்வாய்க்கிழமை நடத்தப்பட்டது.

தமிழகத்தில் கடந்த 2023-ஆம் ஆண்டு தமிழ்நாடு மின்சார வாகன கொள்கை வெளியிடப்பட்டது. அதன்படி, தமிழகத்தில் இந்த நிதியாண்டில் 500 மின்சார பேருந்துகளை கொள்முதல் செய்து, இயக்க தமிழக போக்குவரத்து துறை திட்டமிட்டுள்ளது. அதற்கான டெண்டா் அறிவிப்பு முடிவுற்ற நிலையில், விரைவில் இந்தப் பேருந்துகள் பயன்பாட்டுக்கு வரும் என துறை அமைச்சா் தெரிவித்திருந்தாா்.