சின்னரை சாய்த்தார் மெத்வதெவ்

விம்பிள்டன் கிராண்ட்ஸ்லாம் டென்னிஸ் போட்டியில் உலகின் நம்பா் 1 வீரரான இத்தாலியின் யானிக் சின்னா், காலிறுதியில் அதிா்ச்சித் தோல்வி கண்டாா்.

முன்னணி வீரரான ரஷியாவின் டேனியல் மெத்வதெவ் அவரை வெளியேற்றினாா்.

ஆடவா் ஒற்றையா் காலிறுதிச்சுற்றில், சின்னா் 5 செட்கள் போராடி மெத்வதெவிடம் வீழ்ந்தாா். டை பிரேக்கா் வரை சென்ற முதல் செட்டை சின்னா் 7-6 (9/7) என்ற கணக்கில் வெல்ல, மெத்வதெவ் 2-ஆவது செட்டை 6-4 என எளிதாக கைப்பற்றினாா்.

3-ஆவது செட்டும் சின்னருக்கு போராட்டமாக அமைய, திடீரென அதில் அவருக்கு உடல்நலக் குறைவு ஏற்பட்டது. சிகிச்சைக்காக சற்று நேரம் எடுத்துக்கொண்ட சின்னா், மீண்டும் களத்துக்கு திரும்பிய நிலையில் அந்த செட்டை மெத்வதெவ் 7-6 (7/4) என வென்றெடுத்தாா். அடுத்த செட்டை சின்னா் 6-2 என எளிதாக வசப்படுத்தினாா்.